اسٹار اسٹوڈیوز اور سنے 1 کی پیش کشاپوروا کا پاور پیکڈ ٹریلر آج ریلیز کیا گیا اور یہ فلم ڈزنی ہاٹ اسٹار پر 15 نومبر کو ریلیز ہوگی۔ اپوروا کو نکھل ناگیش بھٹ نے ڈائریکٹ کیا ہے اور اس میں تارا ستاریا، ابھیشیک بنرجی، دھیریہ کاروا اور راجپال یادو شامل ہیں۔ یہ فلم ہندوستان کے خطرناک ترین مقامات میں سے ایک چمبل میں سیٹ ہے اور یہ برائی پر اچھائی کی جیت کی کہانی کو پردے پر بیان کرتی ہے۔
یہ فلم تارا کی اس طاقتور تبدیلی کی کہانی ہے جو زندہ رہنے اور گزارا کرنے کے لیے اپنی اندرونی طاقت کا استعمال کرتی ہے۔ جب زندگی کا ایک عام لمحہ اچانک انتہائی خطرناک صورتحال میں بدل جاتا ہے تب اپوروا زندہ رہنے کے لیے کیا کرے گی، یہ اس فلم کی کہانی ہے۔
اس منفرد پروجیکٹ کے بارے میں تارا ستاریا کہتی ہیں، ”میں ہمارے پہلے لک کو ملنے والی محبت اور تعریف سے بہت متاثر ہوں۔ پرفارمنس کے لحاظ سے ‘اپوروا’ میرے لیے اب تک کا سب سے چیلنجنگ تجربہ رہا ہے۔ اس کردار کی سختی اور طاقت نے مجھے شروع سے ہی اپنی طرف متوجہ کیا ہے! یہ وہ کردار ہے جسے میں اپنا کیرئیر شروع کرنے کے بعد سے ہی کرنا چاہتی تھی۔میں مزید انتظار نہیں کر سکتی اور جلد ہی اسے ڈزنی ہاٹ اسٹار پر 15 نومبر کو دیکھنے کے لئے بے صبری سے انتظار کر رہی ہوں“۔
راجپال یادو کا خطرناک اوتار شائقین کو حیران کر دے گا۔ وہ کہتے ہیں،”اس سے کوئی فرق نہیں پڑتا کہ آپ زندگی کے کسی بھی مرحلے میں ہیں، ہمیشہ کچھ نیا کرنے کی کوشش کرتے رہنا اور کچھ مختلف کرنا اہم ہوتا ہے۔ میں ایک ایسے کردار کی تلاش میں تھا جو مجھے پہلے کبھی نہیں ملا “۔کچھ ایسا جو آج کے شائقین کو چونکا سکتا ہے اور ’اپوروا‘ میرے لیے بہترین کہانی تھی۔ یہ ڈزنی ہاٹ اسٹار پر 15 نومبر سے ریلیز ہو رہی ہے!
اپوروا اسٹار اسٹوڈیو کی پریزنٹیشن ہے، جسے سنے1 اسٹوڈیوز اور اسٹار اسٹوڈیوز نے تیار کیا ہے۔ اسے نکھل ناگیش بھٹ نے لکھا اور ڈائریکٹ کیا ہے اور اسے مراد کھیتانی اور اسٹار اسٹوڈیوز نے پروڈیوس کیا ہے۔ یہ 15 نومبر سے صرف ڈزنی ہاٹ اسٹار پر اسٹریم ہوگی۔
ہندوستھان سماچار
