گزشتہ سال یعنی 2023 میں شاہ رخ خان نے ایک کے بعد ایک تین بلاک بسٹر فلمیں دے کر ایک بار پھر ثابت کیا کہ وہ باکس آفس کے حقیقی بادشاہ ہیں۔ ’پٹھان‘، ’جوان‘ اور ’ڈنکی‘ شاہ رخ کے کیریئر کی سب سے زیادہ کمائی کرنے والی فلمیں بنیں۔ ان میں سے ایٹلی کی ہدایت کاری میں بنی فلم ‘جوان’ نے باکس آفس پر ریکارڈ توڑ ڈالے۔ اس فلم نے تقریباً 1100 کروڑ کا بزنس کیا۔ شاہ رخ کو حال ہی میں اس فلم کے لیے بہترین اداکار کے دادا صاحب پھالکے ایوارڈ سے نوازا گیا۔
اس ایوارڈ کو قبول کرتے ہوئے شاہ رخ نے بہت زوردار تقریر کرکے حاضرین کے دل جیت لیے۔ اسی ایوارڈ تقریب میں نین تارا کو دادا صاحب پھالکے ایوارڈ سے بھی نوازا گیا۔ شاہ رخ ‘جوان’ میں ڈبل رول میں نظر آئے تھے۔ خاص طور پر بوڑھے شاہ رخ کے کردار کا بہت چرچا ہوا۔ ساو¿تھ کی اس بلاک بسٹر فلم نے باکس آفس پر منفرد تاریخ رقم کی۔
ایوارڈ قبول کرتے ہوئے شاہ رخ نے کہا کہ ”کئی سالوں کے بعد مجھے بہترین اداکار کا ایوارڈ ملا ہے۔ اس دوران مجھے لگا کہ اب مجھے یہ ایوارڈ کبھی نہیں ملے گا۔ لیکن میں یہ ایوارڈ حاصل کرکے خوش ہوں، مجھے ایوارڈز پسند ہیں۔
شاہ رخ نے کہا کہ میں اس معاملے میں تھوڑا خود غرض اور لالچی ہوں۔ میرے کام کو پسند کرنے اور میری محنت کو سراہنے پر میں ہمیشہ لوگوں کا مشکور رہوں گا۔
شاہ رخ نے مزید کہا، ”ایک بات جس کا ذکر کرنا ضروری ہے وہ یہ ہے کہ صرف ایک اداکار کا کام کافی نہیں ہے۔ آرٹ ورک اس وقت اور بھی بہتر ہو جاتا ہے جب اس کے اردگرد کا حلقہ بھی حصہ لے۔ مجھے یہ ایوارڈ بھی بہت سے لوگوں کی محنت اور مدد کی وجہ سے ملا۔
انہوں نے کہا کہ میں حاضرین سے وعدہ کرتا ہوں کہ میں محنت جاری رکھوں گا۔ میں اسی طرح ہندوستانی اور غیر ہندوستانی دونوں سامعین کو محظوظ کرتا رہوں گا۔ میں اس کے لیے جو بھی کر سکتا ہوں کروں گا۔
