بالی ووڈ اداکارہ کنگنا رناوت اپنی آنے والی فلم ’ تیجس ‘ کو لے کر سرخیوں میں ہیں۔ اس فلم کا ٹریلر حال ہی میں ریلیز ہوا ہے اور لوگوں نے اسے پسند بھی کیا ہے۔ اس کے ساتھ ساتھ کنگنا کی آنے والی فلموں کو لے کر بھی کافی چرچے ہیں۔ شائقین کو بے صبری سے فلم ’ ایمرجنسی ‘ کا انتظار ہے۔ چند ماہ قبل کنگنا نے اپنی فلم ’ ایمرجنسی ‘ کا نیا ٹیزر شیئر کیا تھا ، جو سوشل میڈیا پر وائرل ہوگیا تھا۔اس ٹریلر میں کنگنا کی شکل ، ان کی باڈی لینگویج اور ڈائیلاگ ڈیلیوری کی بہت تعریف کی گئی۔ اس کے ساتھ ہی کنگنا نے اس فلم کے سیٹ سے کچھ تصاویر بھی شیئر کیں۔ ٹیزر کے بعد سے ہی شائقین فلم کا بے صبری سے انتظار کر رہے تھے لیکن اب شائقین کو فلم کے لیے مزید انتظار کرنا پڑے گا ، کیونکہ اب یہ واضح ہو گیا ہے کہ فلم 24 نومبر کو ریلیز نہیں ہو گی۔
حال ہی میں کنگنا نے اپنے ٹوئٹر اکاو¿نٹ پر بتایا ہے کہ اس فلم کی ریلیز کی تاریخ ملتوی کر دی گئی ہے۔ کنگنا نے اپنی پوسٹ میں لکھا ، ‘ مجھے ایک اہم اعلان کرنا ہے۔ ایمرجنسی میری زندگی کی سب سے اہم فلم ہے ، میں نے اس میں بہت وقت اور پیسہ لگایا ہے اور میں نے اس سے بہت کچھ سیکھا ہے۔ آپ نے اس کے ٹیزر کو جو زبردست جواب دیا ہے اس سے ہم بہت متاثر ہیں۔کنگنا مزید لکھتی ہیں ، ’لوگ مجھ سے ریلیز کی تاریخ کے بارے میں پوچھتے رہتے ہیں ، ہم نے اسے 24 نومبر 2023 مقرر کیا تھا ، لیکن میری لگاتار فلموں کی وجہ سے کچھ تبدیلیاں ہوں گی۔ اس لیے یہ فلم اگلے سال یعنی 2024 میں ریلیز ہونے جا رہی ہے۔ ریلیز کی تاریخ کی ابھی تصدیق نہیں ہوئی ہے۔ آپ کا تجسس اور برکت ہمیشہ قائم رہے۔فلم میں کنگنا اندرا گاندھی کے کردار میں نظر آئیں گی۔ اس کے علاوہ انوپم کھیر ، ماہیما چودھری ، ستیش کوشک ، ملند سومن جیسے اداکار بھی اہم کرداروں میں نظر آئیں گے۔ اداکاری کے ساتھ ساتھ کنگنا نے اس فلم کی ہدایت کاری بھی کی ہے۔
ہندوستھان سماچار
