بالی ووڈ اداکار شاہ رخ خان کی بلاک بسٹر فلموں ‘پٹھان’، ‘جوان’ کے بعد اب ‘ڈنکی’ جلد ہی شائقین کے سامنے ریلیز ہونے جارہی ہے۔ راجکمار ہیرانی کی ہدایت کاری میں بننے والی اس فلم میں شاہ رخ کے ساتھ اداکارہ تاپسی پنو اور وکی کوشل اہم کرداروں میں نظر آئیں گے۔ فلم ‘ڈنکی’ کا ٹیزر، ٹریلر اور دو گانے پہلے ہی ریلیز ہو چکے ہیں جنہیں شائقین نے بے حد پسند کیا۔ ایسے میں شاہ رخ خان کے مداح اس فلم کو لے کر کافی متجسس ہیں۔
فلم کی ایڈوانس بکنگ حال ہی میں شروع ہوئی ہے اور لوگوں نے اسے اچھا رسپانس دیا ہے۔ چونکہ فلم کو کئی شمالی ریاستوں میں زیادہ سے زیادہ اسکرینیں ملی ہیں، اس لیے امید کی جا رہی ہے کہ فلم وہاں اچھا بزنس کرے گی۔ ممبئی میں شاہ رخ خان کی ‘ڈنکی’ کا زبردست کریز ہے۔
کنگ خان کے مداح فرسٹ ڈے فرسٹ شو کے لیے لڑتے نظر آرہے ہیں۔ ایسی ہی ایک خبر سامنے آئی ہے۔ فلمی تاریخ میں پہلی بار کنگ خان کی ‘ڈنکی’ کا ممبئی میں پہلا مارننگ شو ہوا ہے۔ ‘ڈنکی’ کا پہلا شو ممبئی کے پرانے اور مشہور فلم تھیٹر ‘گیٹی گلیکسی’ میں صبح 5:55 پر شروع ہوگا۔ ‘پٹھان’، ‘جوان’ کے بعد اب ‘ڈنکی’ کے لیے اس تھیٹر نے اتنی صبح شو منعقد کرنے کا ریکارڈ بنایا ہے۔
شاہ رخ خان کے ایک فین پیج نے یہ خبر سوشل میڈیا پر شیئر کی ہے۔ شائقین شاہ رخ کی اس فلم کو لے کر کافی پرجوش ہیں اور ناظرین کو یقین ہے کہ یہ فلم بھی ان کی دیگر دو فلموں کی طرح باکس آفس پر تاریخ رقم کرے گی۔ ‘ڈنکی’ 21 دسمبر کو ریلیز ہونے والی ہے۔ اس کے ساتھ پربھاش کی ‘سالار’ بھی ریلیز ہونے والی ہے جس کا باکس آفس پر زبردست مقابلہ دیکھنے کو ملے گا۔
ہندوستھان سماچار
