اداکارہ نینا گپتا اداکاری کے ساتھ ساتھ اپنی بے باکی کے لیے بھی جانی جاتی ہیں۔ حال ہی میں ایک انٹرویو میں انہوں نے اپنی ذاتی زندگی سے جڑی کئی باتیں بتائی ہیں۔ نینا گپتا نے شوہر وویک مہرا سے اپنی ملاقات، بیٹی مسابا کی پہلی شادی اور طلاق کے بعد کی صورتحال کے بارے میں بتایا۔
ایک حالیہ انٹرویو میں نینا گپتا نے انکشاف کیا کہ وہ اپنے شوہر سے کہاں ملی تھیں۔”میں ایک بار تھیریپی کے لیے گئی تھی۔ وہاں میری ملاقات وویک مہرا سے ہوئی۔ وہ پہلے سے شادی شدہ تھے، ان کے بچے تھے، اس لیے کافی مسائل تھے۔ایک بار ہم کپل تھیریپی کے لیے گئے۔“
جب نینا سے مداحوں کو رشتے پر صلاح دینے کو کہا گیا تو انہوں نے انکار کر دیا۔ انہوں نے کہا، ”میں رشتے پر صلاح دینے والی غلط شخص ہوں۔ کیونکہ میں نے ہمیشہ غلط لوگوں کو ڈیٹ کیا ہے۔ اس لیے مجھ سے مت پوچھو کیونکہ میں بہت خراب اور براجواب دوں گی۔“
اس انٹرویو میں نینا نے بیٹی مسابا کی پہلی شادی کے حوالے سے ہونے والی غلطی پر تبصرہ کیا۔ مسابا کی پہلی شادی مدھو منٹینا سے ہوئی تھی۔”مسابا شادی نہیں کرنا چاہتی تھی۔ وہ پہلے اپنے ہونے والے شوہر کے ساتھ لیو ان ریلیشن شپ میں رہنا چاہتی تھی لیکن میں نے انکار کر دیا“۔”تم اس کے ساتھ شفٹ نہیں ہو گی، اگر تم ساتھ رہنا چاہتی ہو تو شادی کر لو۔“میں نے کہا۔ یہ میری غلطی تھی اور پھر وہ الگ ہو گئے۔میں نے کبھی اس کی طلاق کا سوچا بھی نہیں تھا۔وہ واقعی ایک اچھا لڑکا ہے لیکن شادی کے بعد اس کااور مسابا کا رشتہ آپس میں ٹھیک نہیں رہا۔جب انہوں نے مجھے طلاق کے بارے میں بتایا تو میں ایک ماہ تک حیران تھی۔ وقت بہت مشکل تھا لیکن آپ کے ہاتھ میں کچھ نہیں ہے کیونکہ یہ کسی اور کی زندگی ہے۔“ نینا نے کہا۔
فیشن ڈیزائنر اور اداکارہ مسابا نینا اور ویسٹ انڈیز کے کرکٹر ویوین رچرڈز کی بیٹی ہیں۔ نینا اور ویوین کی شادی نہیں ہوئی تھی۔ وہ رشتے میں تھے اور نینا حاملہ ہو گئیں۔ ویوین کے مطابق اس کے بعد نینا نے بچے کو جنم دینے اور اکیلی ماں بن کر اس کی دیکھ بھال کرنے کا فیصلہ کیا۔ مسابا نے 2015 میں مدھو منٹینا سے شادی کی لیکن چار سال بعد ان کی طلاق ہوگئی۔ اس کے بعد مسابا نے جنوری 2023 میں اداکار ستیہ دیپ مشرا سے شادی کر لی ۔ اس شادی میں ان کے والد ویوین رچرڈز نے شرکت کی تھی ۔
ہندوستھان سماچار
