عمران ہاشمی نے وائی آر ایف کی فلم’ٹائیگر -3‘ میں ایک طاقتور ولن کا کردار ادا کر کے سب کو اپنی طرف متوجہ کیا ہے۔ اس فلم میں ان کا مقابلہ فلم انڈسٹری کے بڑے اداکاروں میں سے ایک سلمان خان سے ہے۔
فلم میں ایک مضبوط ولن کا کردار ادا کرنے والے اداکار عمران ہاشمی اپنے مداحوں کی محبت سے بے حد خوش ہیں۔ عمران کا کہنا ہے کہ ‘ ٹائیگر 3 کو ملنے والے ردعمل اور جس طرح لوگوں نے میری پرفارمنس پر پیار دیا ہے اس سے میں بہت خوش ہوں۔ ہم نے ایک بہترین شروعات کی ہے اور مجھے امید ہے کہ یہ فلم عالمی سطح پر شائقین کو محظوظ کرے گی۔ مجھے ایک اینٹی ہیرو کا کردار ادا کرنے کا موقع ملا اور ہمارے ملک کے سب سے بڑے ایکشن سپر اسٹار سلمان خان کے ساتھ آمنے سامنے آنے سے بہتر کیا ہو سکتا ہے۔ مجھے خوشی ہے کہ لوگوں نے ہماری اداکاری کو پسند کیا اور یہ میرے لیے بڑی بات ہے۔
عمران نے کہا کہ میں ہمیشہ لوگوں کو اپنی پسند کی فلموں سے محظوظ کرنا چاہتا تھا۔ اینٹی ہیرو کا کردار ادا کرنے سے مجھے ایسے شیڈز تلاش کرنے کا موقع ملا جو میں نے پہلے کبھی نہیں کھیلا تھا۔ میں اپنے ولن کردار کو پسند کرنے اور ٹائیگر 3 کو باکس آفس پر کامیاب فلم بنانے پر لوگوں کا شکر گزار ہوں۔ آدتیہ چوپڑا کی پروڈیوس کردہ اور منیش شرما کی ہدایت کاری میں بننے والی فلم ٹائیگر – 3 12 نومبر کو ہندی ، تامل اور تیلگو میں ریلیز ہوئی۔ یہ ‘ایک تھا ٹائیگر’ ، ‘ ٹائیگر زندہ ہے’ ، ‘ وار’ اور ‘پٹھان’ کے بعد وائی آر ایف جاسوس کائنات کی پانچویں فلم ہے ، جو ہندوستان کی سب سے بڑی فلم ہے۔وائی آر ایف کی فلم ٹائیگر 3 نے صرف 4 دنوں میں 169.75 کروڑ روپے کی کمائی کی ہے۔ اس فلم نے دنیا بھر میں 272 کروڑ روپے کمائے ہیں۔ جمعہ سے ایک اور بڑا ویک اینڈ ریکارڈ بنانے کے لیے تیار ہے۔
ہندوستھان سماچارمحمدخان
