فلم ‘اینیمل’ کی تنقید کے درمیان فلم ‘ڈنکی’ فیم اداکار وکرم کوچر نے بھی اس پر اور لوگوں کی موجودہ ذہنیت پر تبصرہ کیا ہے۔
باکس آفس پر فلم ‘ڈنکی’ اور ‘سالار’ کے درمیان مقابلہ ہے لیکن ان دونوں کے ساتھ ساتھ رنبیر کپور کی ‘اینیمل’ بھی باکس آفس پر دھوم مچا رہی ہے۔ اس فلم نے آٹھ سو کروڑ کا ہندسہ عبور کیا ہے لیکن یہ فلم ایک ہزار کروڑ تک پہنچنے میں ناکام رہی ہے۔ ‘ڈنکی’ اور ‘سالار’ کا اثر اس کی کمائی پر پڑ رہا ہے۔ اگرچہ ‘اینیمل’ زبردست کمائی کر رہا ہے لیکن اس پر شدید تنقید بھی کی جا رہی ہے۔
بہت سے لوگ فلم ‘اینیمل’ کو اس کے تشدد، خواتین کی تصویر کشی اور کہانی میں بولڈ سین کی وجہ سے تنقید کرتے ہوئے دیکھے جا رہے ہیں۔ حال ہی میں ‘ڈنکی’ فیم اداکار وکرم کوچر نے بھی ‘اینیمل’ اور لوگوں کی موجودہ ذہنیت پر تبصرہ کیا ہے۔ میڈیا سے بات کرتے ہوئے انہوں نے جواب دیا کہ ‘اینیمل’ جیسی فلمیں کامیاب کیوں ہوتی ہیں۔ وکرم نے کہا، ‘ان دنوں بہت سی ایکشن تھرلر فلمیں باکس آفس پر اچھا بزنس کر رہی ہیں، لیکن اس کے پیچھے ایک سیاسی پس منظر بھی ہے۔ اس وقت دنیا بھر میں کئی مقامات پر جنگ کے آثار ہیں۔ ہر ایک کے ذہن میں بہت غصہ، ناراضگی، انتقام ہے، لیکن وہ نہیں جانتے کہ اس سب کے طویل مدتی نتائج کیا ہوں گے۔
وکرم کا مزید کہنا تھا کہ ’میرا ایک دوست مجھے کچھ کہہ رہا تھا کہ بہت سے چرچ بالادستی کے لیے لڑ رہے ہیں، لیکن بہت سے لوگ اس طاقت کو صحیح طریقے سے استعمال کرنے کا طریقہ نہیں جانتے ہیں۔ جب یہ لوگ تمام چیزیں فلموں میں دیکتے ہیں تو ان کی دبی ہوئی خواہش پوری ہو جاتی ہے لیکن ناظرمین کے تئیں فلموں کی بھی کچھ ذمہ داری ہوتی ہے ۔ ستیہ جیت رے کی فلموں کی مثال لے لیجیے، ناظرین کی اکثریت جسے ماس کہا جاتا ہے، ان فلموں کو پسند نہیں کرے گا، اگر یہ لوگ کسی کا گلا کاٹتے ہوئے دیکھنا چاہتے ہیں اور آپ اسے دکھا رہے ہیں۔ اسے دکھاتے ہوئے، آپ ان چیزوں کی تعریف کر رہے ہیں جو کبھی نہیں کی جانی چاہئیں۔
وکرم کوچر کا خیال ہے کہ اس وقت لوگوں کے ذہنوں میں بنیادی جذبات غصہ ہے اور شاید اسی لیے فلمیں باکس آفس پر اتنی اچھی کارکردگی دکھا رہی ہیں۔ فلم ‘ڈنکی’ میں وکرم کوچر کے ساتھ تاپسی پنو، انیل گروور، بومن ایرانی، وکی کوشل بھی اہم کرداروں میں ہیں۔ کمائی کی رفتار کو دیکھتے ہوئے امید کی جا رہی ہے کہ ‘ڈنکی’ جلد ہی باکس آفس پر 300 کروڑ روپے کا ہندسہ عبور کر لے گی۔
ہندوستھان سماچار
