”اینیمل “ میں رشمیکا کے کردار گیتانجلی کو ناظرین کی طرف سے ملا جلا ردعمل ملا ہے۔ رشمیکا نے انکشاف کیا کہ انہوں نے خود اس کردار کے بارے میں کچھ سوالات پوچھے تھے۔ گیتانجلی، اگر میں اسے ایک جملے میں بیان کروں تو… وہ گھر کی واحد طاقت ہوگی، جو اپنے خاندان کوایک ساتھ رکھتی ہے۔ وہ خالص، سچی، ان فلٹرڈ، مضبوط ہے۔ کبھی کبھی بطور اداکارہ، میں نے گیتانجلی کے کچھ کاموں پر سوال اٹھایا۔
رشمیکا کے مطابق، ”مجھے یاد ہے کہ ڈائریکٹر نے میرے سوالوں پر مجھے بتایا کہ یہ رن وجے اور گیتانجلی کی کہانی ہے۔ کہانی ان کے پیار اورجنون ، ان کے خاندان اور ان کی زندگی کے گرد گھومتی ہے۔ گیتانجلی تمام تشدد، مصائب اور ناقابل برداشت درد سے بھری دنیا میں امن اور اعتماد لاتی ہے۔ وہ اپنے بھگوان سے اپنے شوہر اور بچوں کو سلامت رکھنے کی دعا کرتی ہے ۔ وہ تمام پریشان کن طوفانوں کا مقابلہ کرتی ہے۔ وہ اپنے خاندان کے لیے کچھ بھی کرنے کو تیار ہے۔ میری نظر میں، گیتانجلی بہت خوبصورت ہے اور کچھمعنوں سے وہ اپنے خاندان کی حفاظت کرنے والی عورت کی طرح ہے۔“ تھیئٹر میں کامیاب ہفتے کے لیے ‘اینیمل’ ٹیم کو مبارکباد۔“’
ادھر فلم ”اینیمل “ گزشتہ آٹھ دنوں سے باکس آفس پر اچھی کارکردگی کا مظاہرہ کر رہی ہے۔ یہ فلم یکم دسمبر کو ریلیز ہوئی تھی اور بھارت میں اب تک 361 کروڑ روپے سے زیادہ کما چکی ہے۔ دنیا بھر میں کلیکشن کی بات کریں تو ’اینیمل‘ نے اب تک 563 کروڑ روپے سے زیادہ کی کمائی کی ہے۔ یہ فلم کئی فلموں کے ریکارڈ توڑ رہی ہے۔ اگر فلم باکس آفس پر یہ رفتار جاری رکھتی ہے تو یہ جلد ہی دنیا بھر میں 1000 کروڑ روپے کا ہندسہ عبور کر سکتی ہے۔
ہندوستھان سماچار
،/شہزاد
