ایٹلی کی ہدایت کاری میں بنی فلم ‘جوان’ نے ریکارڈ توڑ کر کمائی کی۔ شاہ رخ خان، نین تارا، وجے سیتھوپتی، پریمانی، ثانیہ ملہوترا، ردھی ڈوگرا، لہر خان، گریجا اوک، سنجیتا بھٹاچاریہ، سنیل گروور، سنجے دت جیسی مضبوط اسٹار کاسٹ کے ساتھ، ناظرین نے فلم ‘جوان’ کو بہت پسند کیا۔ اب اس بڑی کامیابی کے بعد ایٹلی کی نئی فلم کا اعلان کر دیا گیا ہے۔ حال ہی میں اس فلم کی مہورت کی تقریب منعقد ہوئی جس کی ویڈیو منظر عام پر آئی ہے۔
ایٹلی کی آنے والی فلم کے بارے میں گزشتہ کئی ماہ سے چرچا ہو رہا تھا۔ آخر کار میکرز نے اس فلم کا اعلان کر دیا۔ اس فلم کا نام وی ڈی 18′ ہے۔ ساو¿تھ کی مقبول اداکارہ کیرتی سریش اس فلم میں اداکار ورون دھون کے ساتھ نظر آئیں گی۔ آج مکر سنکرانتی کے موقع پر بنانے والوں نے اس فلم کی مہورت پوجا کا ویڈیو شیئر کیا ہے۔
اس ویڈیو میں ایٹلی، فلم کے پروڈیوسر اور اداکار مہورت پوجا کے لیے موجود دکھائی دے رہے ہیں۔ ورون دھون، کیرتی سریش، وامیکا گبی سبھی مہورت پوجا میں روایتی انداز میں آئے۔وی ڈی 18 کی شوٹنگ سے پہلے پوری ٹیم نے بھگوان کا آشیرواد لیا۔ ایٹلی اس فلم کے ڈائریکٹر نہیں بلکہ پروڈیوسر ہیں۔ وہ جیوتی دیشپانڈے اور مراد کھیتانی کے ساتھ ‘VD18’ پروڈیوس کر رہے ہیں۔
ہندوستھان سماچار
