سنی دیول کی فلم ’غدر -2‘ نے باکس آفس پر زبردست کمائی کی۔ فلم نے پانچ سو کروڑ سے زیادہ کی کمائی کی ہے۔ اس کے پہلے اور دوسرے حصے کے ڈائریکٹر انیل شرما اس وقت سرخیوں میں ہیں۔ انیل شرما نے اپنی آنے والی فلم کا اعلان کر دیا ہے۔ غدر -2 کی زبردست کامیابی کے بعد انیل شرما نے اپنی اگلی فلم ’جرنی‘ کا اعلان کر دیا ہے۔ انیل شرما نے 22 سال بعد سنی دیول اور امیشا پٹیل کے ساتھ باکس آفس پر زبردست ہٹ فلمیں دیں اور باکس آفس پر ایک الگ ہی تاریخ رقم کی۔ ناظرین اب انیل شرما کی آنے والی فلم کا بے صبری سے انتظار کر رہے ہیں۔انہوں نے اپنی آنے والی فلم ’ جرنی ‘ کا اعلان منگل کو اپنے آفیشل سوشل میڈیا پر کیا۔ انیل شرما نے اپنی پوسٹ میں لکھا غدر -2 کی کامیابی کے بعد ، ہم نے بابا کاشی وشوناتھ کے آشیرواد سے اپنا اگلا ’ جرنی‘ شروع کیا ہے۔ یہ ٹویٹ کرتے ہوئے انیل شرما نے کچھ تصاویر شیئر کی ہیں۔ اس تصویر میں اداکار نانا پاٹیکر اور اتکرش شرما نظر آ رہے ہیں۔اس فلم میں نانا پاٹیکر مرکزی کردار میں ہیں۔ باقی فنکاروں کے بارے میں ابھی تک معلومات سامنے نہیں آئی ہیں۔ 22 سال بعد انیل شرما نے ’غدر-2‘ کے ذریعے ایک زبردست ہٹ فلم دی۔ اس سے پہلے انیل ’غدر ایک پریم کتھا‘، جینیئس اور سلمان خان کی ’ ویر‘ ہدایت کر چکے ہیں۔ اب شائقین کو ان کے آنے والے ‘ سفر ‘ کا بے صبری سے انتظار ہے۔
ہندوستھان سماچارمحمدخان
