ممبئی، 27 دسمبر (ہ س)۔
سال 2020میں بیسٹ ڈائریکٹر،بیسٹ اسکرین پلے ،بیسٹ فارن فلم اور بیسٹ فلم کیٹیگری میں چار ایوارڈ جیتنے والی کوریائی فلم ‘پیرا سائٹ’ میں مرکزی کردار پارک ڈونگ اک کا کردار ادا کرنے والے اداکار لی سن کیون کی لاش ملی ہے ۔
ایک رپورٹ کے مطابق لی سن کیون کی لاش جنوبی کوریا کے شہر سیول کی ایک پارکنگ میں ملی۔ گزشتہ چند دنوں کے دوران، لی سن کیون غیر قانونی منشیات کے استعمال کے ایک معاملے میں ملوث تھے، جس کی تحقیقات پولیس کر رہی ہے۔ خیال کیا جا رہا ہے کہ اس نے اس کیس کی وجہ سے اپنی جان دے دی ہے۔
اداکار لی سن کیون نے نائٹ کلب میں غلطی سے منشیات لینے کا اعتراف کیا۔ انہوں نے دعویٰ کیا کہ وہ اس معاملے میں قصوروار نہیں ہیں۔ بعد ازاں 27 دسمبر کو اس وقت سنسنی پھیل گئی جب ان کی اپنی کار سے لاش ملی۔ ان کی اہلیہ یونہاپ کے مطابق کیون نے مرنے سے پہلے ایک خط لکھا تھا اور اپنے شوہر کی موت کی خبر سنتے ہی اسے فوری طور پر پولیس کے سامنے اس کا انکشاف کیا۔
یہ ابھی تک واضح نہیں ہے کہ لی سن کیون نے خط میں اصل میں کیا لکھا ہے۔ اس کے علاوہ اس حوالے سے کوئی بیان یا وضاحت سامنے نہیں آئی کہ یہ خودکشی ہے یا کچھ اور۔ فی الحال پولس معاملے کی جانچ کر رہی ہے۔ لی سن کیون 1975 میں پیدا ہوئے تھے۔
ہندوستھان سماچار
