سیوان میں نوجوان کا گلا ریت کر قتل
سیوان، 11 دسمبر (ہ س)۔ بہار کے سیوان میں ایک نوجوان کا گلاریت کر قتل کر دیا گیا۔ اہل خانہ کا کہنا ہے کہ گذشتہ دیر شب وہ بیت الخلا جانے کی بات کہہ کر گھر سے نکلا تھا۔ صبح تک واپس نہیں آیا۔ پیر کی صبح باغیچہ میں کھیل رہے بچوں نے اس کی لاش دیکھی۔ لاش ملنے کی اطلاع ملتے ہی لوگوں کی بڑی تعداد موقع پر جمع ہو گئی۔
سیوان ضلع کے بھگوان پور تھانہ علاقے کے آر جی ناگوا گاؤں میں واقعہ پیش آیا۔ مہلوک نوجوان کی شناخت نگوا گاؤں رہائشی نریش پرساد کے بیٹے اویناس کمار کے طورپر ہوئی ہے۔ وہ دیر رات اپنے گھر سے بیت الخلا کے لئے کہہ کر نکلا تھا لیکن صبح تک واپس نہ آنے پر گھر والوں نے تلاش شروع کر دی۔ کچھ بچے باغیچہ میں کھیل رہے تھے کہ ان کی نظر ایک نوجوان کی لاش پر پڑی۔ لاش کی شناخت اویناش کمار کے طور پر کی گئی ہے۔
لاش برآمد ہونے پر پولیس کو اطلاع دی گئی۔ پولیس موقع پر پہنچ گئی۔ لاش کا پنچنامہ تیار کر کے پوسٹ مارٹم کے لیے بھیج دیا گیا۔ پولیس نے واقعہ کے حوالے سے وہاں موجود لوگوں سے پوچھ گچھ بھی کی۔ گاؤں کے لوگوں نے بتایا کہ اویناش کا ایک لڑکی کے ساتھ معاشقہ چل رہا تھا۔ گاؤں والے اس واقعہ کو عشق سے جوڑ کر دیکھ رہے ہیں۔ پولیس اس زاویے سے بھی تفتیش کر رہی ہے۔
ہندوستھان سماچار/ افضل
/شہزاد
