بہار میں شراب کی غیر قانونی تیاری کا انکشاف، بھٹے تباہ
نوادہ، 14 دسمبر(ہ س)۔ بہار سے نوادہ میں شراب کا کاروبار تھمنے کا نام نہیں لے رہا ہے۔ بہار میں مکمل شراب بندی کے باوجود بڑے پیمانے پر چھپ کر شراب کا کاروبار جاری ہے۔ پولیس انتظامیہ کو چیلنج کرتے ہوئے مافیا ضلع کے دور دراز علاقوں، جنگلات اور پہاڑوں میں شراب کی بھٹیاں لگا کر شراب تیار اور فروخت کر رہے ہیں۔ حالانکہ نوادہ میں پولیس غیر قانونی شراب کے سلسلے میں مسلسل چھاپہ ماری کر رہی ہے اور گرفتاریاں کر رہی ہے۔
غیر قانونی شراب معاملے میں مسلسل گرفتاریوں اور کارروائی کے باوجود شراب کا کاروبار تھمنے کا نام نہیں لے رہا ہے۔ نوادہ پولیس نے غیر قانونی شراب کے خلاف خصوصی تلاشی مہم شروع کی جس کے تحت چھاپہ ماری کے دوران نوادہ پولیس نے رجولی تھانہ علاقہ کے تحت کولوا جنگل میں واقع مہابر پہاڑ کے قریب سے 30 لیٹر دیسی شراب برآمد کی ۔
ساتھ ہی 3000 لیٹر مہوا جاوا شراب کو بھی تلف کر دیا گیا ہے۔ اس کے ساتھ ہی پولیس نے شراب کی دو بڑی بھٹائلوں کو منہدم کر دیا ہے۔ شراب کی بھٹی کون چلا رہا تھا اور کون کون سے لوگ اس کاروبار میں ملوث ہیں، پولیس تفتیش کر کے مزید کارروائی کر رہی ہے۔
اس دوران پولیس نے ایک اور جگہ سے بھاری مقدار میں دیسی شراب برآمد کی ہے۔ غیر قانونی شراب کے خلاف خصوصی سرچ آپریشن کے تحت چھاپہ ماری کے دوران نوادہ پولیس نے ضلع کے پرنادبر تھانہ علاقہ کے تحت پنجن پور سے مغل سرائے جانے والی سڑک سے 120 لیٹر دیسی شراب اور 1 موٹر سائیکل برآمد کیا ہے۔
پولیس کو دیکھ کر تاجر شراب اور موٹر سائیکل چھوڑ کر بھاگنے میں کامیاب ہو گئے۔ حالانکہ پولیس دونوں معاملات کی تہہ تک پہنچنے میں مصروف ہے۔ واضح ہوکہ بہار حکومت نے 2016 میں شراب بندی قانون نافذ کیا تھا۔ قانون کے تحت شراب کی فروخت، پینے اور تیاری پر پابندی ہے۔ اس کے باوجود شراب مافیا کے حوصلے بلند ہیں۔
ہندوستھان سماچار/ افضل
/شہزاد
