ایودھیا نگر علاقے میں بچوں کے تنازعہ میں خاتون کا قتل، دو بھائی شدید زخمی
بھوپال، 8 فروری ۔ راجدھانی بھوپال کے ایودھیا نگر تھانے کے تحت کریشر جھگی بستی میں بدھ کی رات بچوں کے تنازعہ میں ایک خاتون کا قتل کر دیا گیا، جب کہ اس کے دو بھائیوں کی حالت تشویشناک ہے۔
ایودھیا نگر پولیس کے مطابق کریشر جھگی بستی علاقے میں بدھ کی رات بچوںکے جھگڑے اور پرانی دشمنی کی وجہ سے دو فریقین کے درمیان جھگڑا ہوگیا۔ اس دوران ایک فریق نے خاتون اور اس کے بھائیوں پر تلواروں اور لاٹھیوں سے حملہ کر دیا۔ اس حملے میں شدید زخمی ہونے کی وجہ سے خاتون کی موت ہوگئی۔
اس سلسلے میں پولیس کا کہنا ہے کہ خاتون سروج زوجہ ونود اٹھیا (34) گھریلو خاتون تھیں۔ منگل کو سروج کے بیٹے راہل کو پڑوس میں رہنے والے راج نامی لڑکے نے کرکٹ کھیلتے ہوئے مارا پیٹا تھا۔ اس معاملے کو لے کر بدھ کی رات سروج کی گول چھوٹو، راج اور موہن سے لڑائی ہوئی تھی۔ لڑائی کی خبر ملتے ہی سروج کا بھائی وکی اور وریندر موقع پر پہنچ گئے۔ اس کے بعد دونوں میں لڑائی شروع ہو گئی۔ ملزم گولو، چھوٹو، راج اور موہن نے مل کر سروج، وکی اور وریندر پر تیز دھار ہتھیاروں اور لاٹھیوں سے حملہ کردیا۔ اس حملے میں سر میں شدید چوٹ لگنے سے سروج کی موت ہو گئی جبکہ اس کے بھائیوں وکی اور وریندر کی حالت تشویشناک بتائی جاتی ہے اور ان کا علاج چل رہا ہے۔ اس پورے معاملے میں پولیس نے گولو، چھوٹو، راج اور موہن کے خلاف قتل کا مقدمہ درج کرکے دو ملزمان کو حراست میں لے لیا ہے۔
وہیں جب سروج کے پڑوس میں رہنے والی سنیتا اور اس کے شوہر نیلیش نے دونوں فریقوں کے درمیان جھگڑے اور لڑائی کے دوران بیچ بچاو کیا تو ملزمان نے ان پر بھی حملہ کر کے انہیں زخمی کر دیا، حملے میں زخمی جوڑے کو علاج کے لیے نجی اسپتال لے جایا گیا۔ تفتیش کے دوران یہ بات سامنے آئی کہ شکایت کنندہ کی بیٹی کی شادی ملزم کے خاندان کے بیٹے سے ہوئی تھی۔ اس معاملے کولیکر دونوں فریق کے درمیان دشمنی تھی۔ پولیس معاملے کی جانچ کر رہی ہے۔
