گملہ، 3 نومبر ( ہ س)۔ ضلع کے کروم گڑھ تھانے نے آٹھ سال سے مفرور ملزم بدھو عرف بدھواعرف ہورو (55) کو گرفتار کیا ہے۔ کروم گڑھ تھانہ علاقہ کے برٹولی کے رہنے والے بدھو نے ڈائن بساہی کے شبہ میں گاوں والوں کی مدد سے اپنے ہی والدین کا قتل کر دیا تھا۔ اس کے بعد اس نے دونوں نعشوں کو گھر میں جلا دیا اور موقع سے فرار ہو گیا۔
جمعہ کو صحافیوں سے بات چیت کرتے ہوئے پولیس نے کہا کہ گملہ ایس پی کی ہدایت پر زیر التوا کیس میں وارنٹ گرفتاری کے لیے مہم چلائی جا رہی ہے۔ ادھر برٹولی میں چھاپے کے دوران آٹھ سال سے مفرور ملزم بدھو عرف بدھوا ہورو کو گرفتار کر لیا گیا۔
ملزم نے پوچھ گچھ کے دوران پولیس کو بتایا کہ سال 2015 میں اس کی سوتیلے بھائی سے زمینی دشمنی اور اس کے والد نارائن ہورو اور والدہ جانی ہورو پرڈائن بساہی ہونے کے شبہ کی بنا پر اس نے گاو¿ں کے دیگر لوگوں کے ساتھ مل کر گھر میں گھس کر اپنے والدین کو لاٹھی ڈنڈوں سے پیٹ پیٹ کر قتل کردیا۔ قتل کے بعد دونوں کی لاشوں کو گھر سمیت آگ لگا دی گئی۔ اس سے پہلے گھر میں رکھی رقم اور بکرا اور دیگر اشیا وہاں سے ہٹا دی گئیں۔
واقعہ کے دن ملزم نے گاو¿ں والوں کے ساتھ مل کر مٹن پارٹی کا اہتمام کیا تھا۔ اس کے بعد وہ وہاں سے بھاگ کر ہماچل چلا گیا۔ وہ تقریباً ڈیڑھ سال سے رانچی کے لاپنگ میں اس واقعے میں ملوث ایک ساتھی کے گھر چھپا ہوا تھا۔ وہ دو ہفتے قبل اپنے گملہ گھر پہنچا، جہاں سے پولیس نے اسے گرفتار کر لیا۔
ہندوستھان سماچار
