جے پور، 28 اکتوبر (ہ س)۔
تھانہ جواہر سرکل پولیس نے کارروائی کرتے ہوئے اسکارٹ سروس کے بہانے گاہکوں کو پھنسا کر مارپیٹ اور لوٹ مار کی وارداتوں میں ملوث گینگ کو بے نقاب کرتے ہوئے گینگ کے سرغنہ سمیت 4 ملزمان کو بھی گرفتار کر لیا ہے۔ پولیس نے ملزمان سے نصف درجن سے زائد موبائل فون اور درجنوں سمیں برآمد کر لی ہیں۔ پولیس پوچھ تاچھ کے دوران ملزم سے جے پور شہر میں ڈکیتی کی دیگر وارداتوں کے بارے میں معلومات حاصل کی جارہی ہے۔
جے پور کے پولیس کمشنر بیجو جارج جوزف نے بتایا کہ جواہر سرکل پولیس اسٹیشن میں کارروائی کرتے ہوئے اسکارٹ سروس کے بہانے صارفین کو پھنسا کر مار پیٹ اور لوٹ مار کرنے والی گینگ کا سر غنہ جتیندر یادو عرف جیتو(24ساکن بوراج جوب نیر، دیپک (26)ساکن جیت پورہ پھولیرا،انل یادو(24ساکن رین وال جے پور ، اجے مینا ساکن شو سنگھ پورہ پھولیرا اور مکیش یادو ساکن بوراج جوبنیر کو گرفتار کیا پے پولیس نے گروہ کے قبضے سے واردات میں استعمال ہونے والی اشیا کو بھی بر آمد کیا ہے ۔ پولیس نے ملزمین کے قبضے سے نصف درجن سے زیادہ موبائل او ر سم کارڈ کو ضبط کیا ہے ۔
پولیس کی تفتیش میں یہ بات سامنے آئی ہے کہ کنگ پن جتیندر یادو عرف جیتو نے اسکارٹ خدمات فراہم کرنے کے لیے سوشل میڈیا پر کئی ویب سائٹس بنائی ہیں۔ ویب سائٹ کے ذریعے رابطہ کرنے پر، وہ گاہک کو ا سکارٹ سروس فراہم کرنے کے وعدے کے ساتھ جھانسے میں لاتا تھا۔ وہ اسے رات کے اندھیرے میں کسی ویران جگہ پر ملنے کے لیے بلاتے، مار پیٹ کرتے اور لوٹ مار کرتے۔
ہندوستھان سماچار
