نوادہ کے اکبر پور تھانہ انچارج نے گاڑی کے ساتھ 288 بوتل انگریزی شراب برآمد کی، اسمگلر فرار
نوادہ ، 19 اکتوبر (ہ س)۔ نوادہ ضلع کے اکبر پور تھانہ انچا رج اجے کمار نے جمعرات کے ر وز نرہٹ کی طرف سے آ رہی شراب لدی ویگن آر کو ضبط کر لیا ہے۔ اسمگلر پولیس کو دیکھ کر گاڑی چھو ڑکر فرارہوگیا۔ ضبط گاڑی سے انگریزی شراب کی 288 بوتل ملی ہیں جن کی مالیت تقریباً 5 لاکھ روپے بتائی جاتی ہے۔
اکبر پور تھانہ انچارج اجے کمار نے بتایا کہ جب وہ گشت کے بعد واپس آرہے تھے تو انہوں نے ایک کار کو نرہٹ سے آتے دیکھا۔ جب اس کا پیچھا کیا گیا تو اسمگلر فرار ہو گیا اور فتح پور پل کے قریب گاڑی چھوڑ دیا۔ پولیس نے کھڑی گاڑی کو قبضے میں لے لیا۔ جب تفتیش شروع کی گئی تو گاڑی کے اندر سے انگریزی شراب کی 288 بوتل برآمد ہوئیں۔ اسمگلر فرار ہونے میں کامیاب ہو گیا۔ انہوں نے کہا کہ گاڑی کے مالک کے خلاف ایف آئی آر درج کرائی جائے گی اور اسمگلر کو بھی پکڑلیا جائے گا۔
انہوں نے کہا کہ یہ واضح طور پر کہا جا سکتا ہے کہ گاڑی کے مالک نے گاڑی اسمگلنگ کے لیے کس کو دی تھی۔ اس کی بنیاد پر اسمگلر کو بھی گرفتار کیا جائے گا۔ اکبر پور تھانہ انچارج اجے کمار کے ذریعہ کی گئی بڑے پیمانے پر شراب برآمدگی کو نوادہ پولیس کی پولیس کی بڑی کامیابی مانا جا رہا ہے ۔ ایڈیشنل ڈائرکٹر جنرل آف پولیس جتیندر سنگھ گنگوار کی سخت ہدایات کے بعد پولیس نوادہ میں شراب کے غیر قانونی کاروبار کرنے والوں سے پوری طاقت کے ساتھ نمٹ رہی ہے۔
ہندوستھان سماچار/افضل
/شہزاد
