کولکاتہ، 02 نومبر (ہ س)۔
مغربی بنگال سے متصل ہندوستان-بنگلہ دیش سرحد پر تعینات بارڈر سیکیورٹی فورس (بی ایس ایف) نے سونے کی اسمگلنگ کی ایک بڑی کارروائی کو ناکام بنا دیا ہے۔ بی ایس ایف ساو¿تھ بنگال کے چیف لائزن آفیسر اور ڈی آئی جی اے کے آریہ نے جمعرات کی سہ پہر اس بارے میں جانکاری دی۔
انہوں نے بتایا کہ ایک دن قبل بی ایس ایف کے جوانوں کو شمالی 24 پرگنہ کے پیٹرا پول سرحدی چوکی کے قریب سونے کی اسمگلنگ کی ٹھوس اطلاع ملی تھی۔ اس کے بعد بی ایس ایف کے اہلکاروں نے ایک مشکوک ٹرک کو روک کر اس کی تلاشی لی تو کیبن کے اندر بنی ایک خاص جگہ میں چھپائے گئے 60 سونے کے بسکٹ برآمد ہوئے۔ اسے سفید شفاف ٹیپ میں لپیٹا گیا تھا۔ سونے کا وزن 6998.580 گرام ہے اور اس کی قیمت تقریباً 4 کروڑ 32 لاکھ 86 ہزار روپے بتائی گئی ہے۔ ٹرک ڈرائیور کو گرفتار کر لیا گیا ہے، جس کی شناخت 23 سالہ سورج میگ کے طور پر ہوئی ہے۔ وہ شمالی 24 پرگنہ کے بنگاو¿ں تھانہ علاقے کا رہنے والا ہے۔
ملزم نے دوران تفتیش بتایا کہ وہ عموماً ٹرک کو اسمگلنگ کے لیے استعمال کرتا تھا۔ وہ زمینی راستے سے بنگلہ دیش جاتا ہے ۔ بنگلہ دیش سے تعلق رکھنے والے محمد مامون نامی اسمگلر نے اسے سونا سمگل کرنے کا لالچ دیا اور اسے 10 ہزار روپے دینے کا وعدہ کیا۔ یہ سونا دوسرے اسمگلر اجگر شیخ کے حوالے کیا جانا تھا، جو پیٹرا پول، شمالی 24 پرگنہ کے رہنے والا ہے۔
ملزم کو مزید قانونی کارروائی کے لیے سونا سمیت محکمہ کسٹم کلکتہ کے حوالے کر دیا گیا ہے۔ اس کی نشاندہیپر متعلقہ اسمگلروں کی تلاش تیز کر دی گئی ہے۔
ہندوستھان سماچار
