رائے گڑھ، 10 جنوری (ہ س)۔
چکردھر نگر تھانہ علاقہ کی سوریہ وہار کالونی سے ایک معاملہ سامنے آیا ہے۔ متاثرہ خاتون نے تھانے میں شکایت درج کروائی کہ ملازمہ اپنے دو دوستوں کے ساتھ گھر میں داخل ہوئی اور اسے یرغمال بنا کر 5 لاکھ روپے کے زیورات اور 50 ہزار روپے نقدی لے گئے۔ شکایت پر فوری کارروائی کرتے ہوئے پولیس نے تینوں ملزمان کو ریلوے اسٹیشن سے حراست میں لے لیا۔
موصولہ اطلاع کے مطابق سوریہ وہار کے مین گیٹ کے قریب ایک گھر میں تین لڑکیوں نے مل کر ڈکیتی کی واردات کی۔ گھر کی مالکہ شالنی اگروال نے پولیس کو بتایا کہ تین دن قبل اس نے گھر میں کام کرنے کے لیے ایک ملازمہ رکھی تھی۔ آج بدھ کو اس نے دو دیگر لڑکیوں کے ساتھ مل کر اس واردات کو انجام دیا۔ سب سے پہلے اس کے سر پر کسی بڑی چیز سے مارا اور پھر اس کے ہاتھ پیر رسی سے باندھ کر گھر میں رکھے تمام زیورات اور نقدی لے گئے۔
گھر کی مالکن نے مزید بتایا کہ تین لڑکیوں میں سے دو لڑکیوں نے جینز کی پینٹ اور سفید ٹی شرٹ پہن رکھی تھی۔ جیسے ہی رائے گڑھ کے ایس ایس پی سدانند کمار کو یہ اطلاع ملی، انہوں نے فوری طور پر چکردھر نگر ٹی آئی پرشانت راو¿ اور سائبر ٹیم کو ناکہ بندی کرنے کی ہدایت دی۔ تینوں ملزم خواتین ریلوے اسٹیشن پہنچنے کے لیے ٹرین کا انتظار کر رہی تھیں، جہاں چکردھر نگر پولیس اور سائبر سیل کی ٹیم کو اطلاع ملی کہ وہ یہاں موجود ہیں۔تینوں لڑکیوں کو ان کے سامان سمیت رائے گڑھ ریلوے اسٹیشن سے حراست میں لے لیا گیا۔
ہندوستھان سماچار
