نئی دہلی، 18 اکتوبر (ہ س)۔ خام تیل کی قیمتوں میں آئی تیزی اور بانڈ ایلڈ کے اونچی سطح نے ایک بار پھر گلوبل مارکیٹ پر دباو ڈالا ہے۔ گزشتہ سیشن میں امریکی مارکیٹ دباو میں ٹریڈنگ کے بعد سرخ رنگ میں بند ہوئے۔ تاہم یورپی مارکیٹ انڈیکس تیزی کے ساتھ بند ہونے میں کامیاب رہے۔ آج ایشیائی بازاروں میں بھی دباوکی صورتحال نظر آرہی ہے ۔
امریکہ میں بانڈ ایلڈ 10 سال کی بلند ترین سطح پر پہنچ گئے ہیں ، جس کا اثر گزشتہ سیشن کے دوران وال اسٹریٹ پر واضح طور پر نظر آیا۔ اس دباو کے باعث ایس اینڈ پی 500 انڈیکس 0.01 فیصد کی معمولی گراوٹ کے ساتھ 4,373.20 پوائنٹس کی سطح پر بند ہوا۔ اسی طرح نیس ڈیک نے 0.25 فیصد کی کمزوری کے ساتھ 13,533.75 پوائنٹس کی سطح پر گزشتہسیشن کا کاروبارختم کیا۔ ڈاو جونز فیوچرز بھی آج 0.04 فیصد گر کر 33,984.32 پوائنٹس کی سطح پر کاروبار کر رہا ہے۔
امریکی مارکیٹ کے برعکس، یورپی مارکیٹ انڈیکس گزشتہ سیشن کے دوران اضافے کے ساتھ بند ہونے میں کامیاب رہے۔ ایف ٹی ایس ای انڈیکس 0.58 فیصد اضافے کے ساتھ 7,675.21 پوائنٹس پر بند ہوا۔ اسی طرح سی اے سی انڈیکس نے گزشتہ سیشن کی تجارت 0.11 فیصد اضافے کے ساتھ 7,029.70 پوائنٹس کی سطح پر ختم کی۔ اس کے علاوہ ڈی اے ایکس انڈیکس 0.09 فیصد کے اضافے کے ساتھ 15,251.69 پوائنٹس کی سطح پر بند ہوا۔
ایشیائی مارکیٹ میں آج مسلسل دباو کی صورتحال نظر آرہی ہے۔ ایشیا کے 9 مارکیٹوں میں سے 3 میں معمولی اضافے کے ساتھ کاروبار ہو رہا ہے، جبکہ 6 انڈیکس میں کمی کا رجحان ہے۔ گفٹ نفٹی 0.04 فیصد کے اضافے کے ساتھ 19819 پوائنٹس کی سطح پر کاروبار کر رہا ہے۔ اسی طرح کوسپی انڈیکس 0.05 فیصد اضافے کے ساتھ 2461.30 پوائنٹس کی سطح پر کاروبار کرتا ہوا نظر آیا۔ اس کے علاوہ سیٹ کمپوزٹ انڈیکس اب تک 0.49 فیصد اضافے کے ساتھ 1,440.39 پوائنٹس کی سطح پر پہنچ گیا ہے۔
دوسری جانب نکئی انڈیکس 0.15 فیصد کی کمزوری کے ساتھ 31,991.49 پوائنٹس کی سطح پر کاروبار کر رہا ہے۔ اسی طرح اسٹریٹس ٹائمز انڈیکس 0.64 فیصد گر کر 3,151.58 پوائنٹس کی سطح پر آ گیا۔ تائیوان ویٹڈ انڈیکس بھی کاروبارمیں اب تک 180.62 پوائنٹس یعنی 1.10 فیصد کی کمزوری کے ساتھ 16,461.93 پوائنٹس کی سطح پر پہنچ گیا ہے۔ اسی طرح ہینگ سینگ انڈیکس 0.10 فیصد کی کمی کے ساتھ 17,754.91 پوائنٹس کی سطح پر کاروبار کر رہا ہے۔ اس کے علاوہ جکارتہ کمپوزٹ انڈیکس 0.08 فیصد کمی کے ساتھ 6,933.84 پوائنٹس کی سطح پر اور شنگھائی کمپوزٹ انڈیکس 0.61 فیصد کی کمزوری کے ساتھ 3,064.76 پوائنٹس کی سطح پر کاروبار کر رہے ہیں۔
ہندوستھان سماچار
