نئی دہلی، 22 نومبر (ہ س)۔ گلوبل مارکیٹ سے آج کمزور سگنل موصول ہو رہے ہیں۔ امریکی فیڈرل ریزرو کے سخت رویے کی وجہ سے امریکی بازار گزشتہ سیشن کے دوران گراوٹ کے ساتھ بند ہوئے۔ تاہم ڈاو جونز فیوچرز آج معمولی اضافے کے ساتھ تجارت کرتا ہوا نظر آرہا ہے۔ گزشتہ سیشن کے دوران دباو میں کاروبار کرنے کے بعد یورپی مارکیٹس بھی سرخ نشان میں بند ہوئے۔ ایشیائی مارکیٹ میں آج بالعموم دباو کی صورتحال ہے۔
وال اسٹریٹ کے تینوں انڈیکس مہنگائی کے خدشات اور امریکی فیڈرل ریزرو کی جانب سے شرح سود میں اضافے کی وجہ سے گزشتہسیشن کے دوران سرخ رنگ میں بند ہوئے۔ ڈاو¿ جونز 63 پوائنٹس کی کمی کے ساتھ 35,088 پوائنٹس پر بند ہوا۔ اسی طرح، ایس اینڈ پی 500 انڈیکس نے گزشتہ سیشن کا کاروبار 0.25 فیصد کی کمزوری کے ساتھ 4,536.07 پوائنٹس کی سطح پر ختم کی۔ اس کے علاوہ نیس ڈیک 0.65 فیصد گر کر 14,191.24 پوائنٹس کی سطح پر بند ہوا۔ تاہم ڈاو جونز فیوچرز آج 0.05 فیصد کے معمولی اضافے کے ساتھ 35,107.57 پوائنٹس کی سطح پر کاروبار کرتا ہوا دکھائی دے رہا ہے۔
گزشتہ سیشن کے دوران یورپی مارکیٹ میں مسلسل دباو قائم رہا۔ ایف ٹی ایس ای انڈیکس 0.19 فیصد گر کر 7,481.99 پوائنٹس پر بند ہوا۔ اسی طرح سی اے سی انڈیکس نے گزشتہ سیشن کے کاروبار کا اختتام 0.24 فیصد کی کمزوری کے ساتھ 7,229.45 پوائنٹس کی سطح پر کیا۔ اس کے علاوہ ڈی اے ایکس انڈیکس 0.01 فیصد کی معمولی کمی کے ساتھ 15,900.53 پوائنٹس کی سطح پر بند ہوا۔
ایشیائی بازاروں میں آج دباو کی صورتحال نظر آ رہی ہے۔ ایشیا کے 9 مارکیٹس میں سے 3 کے انڈیکس تیزی کے ساتھ سبز نشان میں کاروبارکر رہے ہیں، جب کہ 6 انڈیکس کمی کے ساتھ سرخ نشان میں ہیں۔ گفٹ نفٹی 0.07 فیصد کے اضافے کے ساتھ 19,864 پوائنٹس کی سطح پر کاروبار کر رہا ہے۔ اسی طرح نکئی انڈیکس میں بھی 0.27 فیصد اضافہ ہوا اور 33,443.21 پوائنٹس کی سطح پر کاروبار کر رہا ہے۔ اس کے علاوہ اسٹریٹس ٹائمز انڈیکس 0.34 فیصد اضافے کے ساتھ 3,106.87 پوائنٹس کی سطح پر کاروبار کر رہا ہے۔
دوسری جانب تائیوان ویٹڈ انڈیکس 141.06 پوائنٹس یعنی 0.81 فیصد کی کمی کے ساتھ 17,257.64 پوائنٹس کی سطح پر کاروبار کر رہا ہے۔ اسی طرح کوسپی انڈیکس 0.22 فیصد گر کر 2504.96 پوائنٹس کی سطح پر آ گیا ہے۔ اس کے علاوہ ہینگ سینگ انڈیکس 0.04 فیصد گر کر 17,726.49 پوائنٹس پر،سیٹ کمپوزٹ انڈیکس 0.40 فیصد کمی کے ساتھ 1,417.96 پوائنٹس کی سطح پر ، جکارتہ کمپوزٹ انڈیکس 0.44 فیصد کی کمزوری کے ساتھ 6,931.46 پوائنٹس کی سطح پر اور شنگھائی کا انڈیکس 0.29 فیصد گرکر 3059.16پوائنٹس کی سطح پر کاروبار کر رہے ہیں۔
ہندوستھان سماچار
