شروعاتی کاروبار میں گھریلو شیئر بازار میں تیزی
نئی دہلی، 27 اکتوبر (ہ س)۔ گھریلو شیئر بازار میں مسلسل چھ کاروباری دنوں سے جاری کمزوری کے سلسلے پر آج بریک لگتا نظر آرہا ہے۔ آج کے کاروبار کی شروعات مضبوطی کے ساتھ ہوئی۔ حالانکہ درمیان میں فروخت کا معمولی جھٹکا بھی لگا، لیکن خریداری کی حمایت سے ابھی تک کے کاروبار میں بازار کی مضبوطی مسلسل قائم ہے۔ صبح 11 بجے تک کے کاروبار کے بعد سینسیکس 0.82 فیصد اور نفٹی 0.72 فیصد کی تیزی کے ساتھ کاروبار کر رہے تھے۔
صبح 11 بجے تک ٹریڈنگ کے بعد حصص بازار کے بڑے شیئروں میں کول انڈیا، اسٹیٹ بینک آف انڈیا، این ٹی پی سی، بجاج آٹو اور ریلائنس انڈسٹریز کے حصص 2.64 فیصد سے 1.72 فیصد کی مضبوطی کے ساتھ کاروبار کر رہے تھے۔ دوسری طرف ڈاکٹر ریڈیز لیبارٹریز، ہندوستان یونی لیور، کوٹک مہندرا، آئی ٹی سی اور جے ایس ڈبلیو اسٹیل کے شیئرس 0.68 فیصد سے لیکر 0.16 فیصد کی کمزوری کے ساتھ تجارت کرتے ہوئے نظر آرہے تھے۔
بی ایس ای کا سینسیکس آج 411.17 پوائنٹس چھلانگ لگا کر 63,559.32 پوائنٹس پر کھلا۔ کاروبار شروع ہوتے ہی خریداروں نے چاروں طرف سے خریداری شروع کر دی۔ خریداری کی حمایت کے باعث اس انڈیکس میں تیزی آئی۔ کچھ ہی دیر میں یہ انڈیکس 63,757.14 پوائنٹس کی سطح پر پہنچ گیا۔ تاہم اس کے بعد کچھ عرصے کے لیے مارکیٹ میں فروخت کا دباؤ بڑھتا ہوا دیکھا گیا، جس کا اس انڈیکس کی رفتار پر ہلکا اثر پڑا۔ بازار میں مسلسل خرید و فروخت کے درمیان صبح 11 بجے تک تجارت کے بعد سینسیکس 520.22 پوائنٹس کے اضافے کے ساتھ 63,668.37 پوائنٹس پر کاروبار کر رہا تھا۔
سینسیکس کی طرح این ایس ای کے نفٹی نے بھی آج 71.50 پوائنٹس کے اضافے کے ساتھ 18,928.75 پوائنٹس پر تجارت شروع کی۔ بازار کھلتے ہی شروع ہونے والی چوطرفہ خریداری کی حمایت سے یہ انڈیکس تیزی سے چڑھا اور کچھ ہی دیر میں 18 ہزار پوائنٹس کی سطح عبور کرکے 19,029.95 پوائنٹس کی سطح پر پہنچ گیا۔ حالانکہ اس کے بعد منافع وصولی کی وجہ سے مارکیٹ میں معمولی فروخت ہوئی جس کی وجہ سے اس انڈیکس کی نقل و حرکت میں معمولی کمی دیکھی گئی۔
بازار میں مسلسل جاری خرید و فروخت کے درمیان صبح 11 بجے تک کے کاروبار کے بعد نفٹی 147.80 پوائنٹس کے اضافے کے ساتھ 19,005.05 پوائنٹس کی سطح پر کاروبار کر رہا تھا۔ اس سے پہلے جمعرات کو آخری کاروباری دن سینسیکس 900.91 پوائنٹس یعنی 1.41 فیصد کی کمزوری کے ساتھ 63,148.15 پوائنٹس کی سطح پر بند ہوا تھا۔ وہیں، نفٹی 264.90 پوائنٹس یعنی 1.39 فیصد گر 18,857.25 پوائنٹس کی سطح پر کاروبار کا اختتام کیا تھا۔
ہندوستھان سماچار
/شہزاد
