نئی دہلی 04 اگست (ہ س)۔
ریزرو بینک آف انڈیا (آر بی آئی) کی دو ماہی مانیٹری پالیسی کمیٹی (ایم پی سی) کی تین روزہ جائزہ میٹنگ پیر کو ممبئی میں شروع ہوئی۔آر بی آئی کے گورنر سنجے ملہوترا 6 اگست کو ایم پی سی کی جائزہ میٹنگ میں لیے گئے فیصلوں کے بارے میں معلومات دیں گے۔ ریزرو بینک ایک بار پھر پالیسی سود کی شرح یعنی ریپو ریٹ میں 0.25 فیصد کی کمی کر سکتا ہے۔
اقتصادی ماہرین کا کہنا ہے کہ امریکہ کی ٹیرف وار اور عالمی غیر یقینی صورتحال مجموعی گھریلو پیداوار (جی ڈی پی) (ترقی) کو متاثر کر سکتی ہے۔ ایسی صورتحال میں ریزرو بینک پالیسی سود کی شرح ریپو ریٹ میں 0.25 فیصد کی کمی کر سکتا ہے، تاکہ ترقی کو سہارا مل سکے۔ ریپو ریٹ وہ شرح سود ہے جس پر بینک آر بی آئی سے قرض لیتے ہیں۔ جب آر بی آئی ریپو ریٹ کو کم کرتا ہے، تو بینکوں کو سستے قرضے ملتے ہیں، جس کا فائدہ وہ صارفین کو دیتے ہیں۔ ریزرو بینک نے اس سال تین بار پالیسی سود کی شرح ریپو ریٹ میں 1 فیصد کی کمی کی ہے۔ فروری میں ہونے والی ایم پی سی میٹنگ میں آر بی آئی نے ریپو ریٹ کو 6.50 فیصد سے گھٹا کر 6.25 فیصد کر دیا تھا۔ یہ کمی تقریباً 5 سال بعد کی گئی۔ اپریل میں ہونے والی دوسری میٹنگ میں بھی شرح سود میں 0.25 فیصد کی کمی کی گئی تھی، جب کہ تیسری بار جون میں ریپو ریٹ میں 0.50 کی کمی کی گئی تھی۔ فی الحال ریپو ریٹ 5.50 فیصد پر ہے۔
ہندوستھان سماچار
ہندوستان سماچار / عطاءاللہ
