نئی دہلی ، 23 فروری
آج عالمی مارکیٹ سے مضبوطی کے آثار ہیں۔ گزشتہ سیشن کے دوران امریکی مارکیٹ میں تیزی کا رجحان رہا ، جس کی وجہ سے وال اسٹریٹ انڈیکس مضبوطی سے بند ہوئے۔ ایسا لگتا ہے کہ ڈاو¿ جانز فیوچر بھی آج فائدہ کے ساتھ تجارت کر رہا ہے۔ اسی طرح یورپی مارکیٹ بھی گزشتہ سیشن کے دوران مضبوط رہی۔ ایشیائی بازاروں میں آج ملا جلا کاروبار دیکھا گیا۔
وال سٹریٹ کے اشاریے گزشتہ سیشن کے دوران مثبت جذبات کی وجہ سے بڑھتے رہے۔ ایس اینڈ پی 500 انڈیکس گزشتہ سیشن کے دوران 105.23 پوائنٹس یا 2.11 فیصد اضافے کے ساتھ 5,087.03 پوائنٹس پر بند ہوا۔ اسی طرح، نیس ڈیک نے 460.75 پوائنٹس یا 2.96 فیصد کی چھلانگ کے ساتھ 16,041.62 پوائنٹس کی سطح پر آخری سیشن کی تجارت کا اختتام کیا۔ ڈاو¿ جانز فیوچرز بھی آج 0.08 فیصد اضافے کے ساتھ 39,098.83 پوائنٹس کی سطح پر تجارت کر رہا ہے۔
امریکی مارکیٹ کی طرح یورپی مارکیٹ میں بھی آخری سیشن کے دوران تیزی رہی۔ ایف ٹی ایس ای انڈیکس 0.29 فیصد اضافے کے ساتھ 7,684.49 پوائنٹس پر بند ہوا۔ اسی طرح، سی اے سی انڈیکس نے گزشتہ سیشن کی تجارت 99.51 پوائنٹس یا 1.26 فیصد اضافے کے ساتھ 7,911.60 پوائنٹس کی سطح پر ختم کی۔ اس کے علاوہ ڈی اے ایکس انڈیکس 252.33 پوائنٹس یا 1.45 فیصد بڑھ کر 17,370.45 پوائنٹس کی سطح پر بند ہوا۔ایشیائی بازاروں میں آج ملا جلا کاروبار دیکھا گیا۔ ایشیا کی 9 مارکیٹوں میں سے 5 کے انڈیکس کمی کے ساتھ سرخ رنگ میں ٹریڈ کر رہے ہیں جبکہ 4 انڈیکس اضافے کے ساتھ سبز رنگ میں ہیں۔ جی آئی ایف ٹی نفٹی 0.17 فیصد گر کر 22,289 پوائنٹس کی سطح پر ٹریڈ کر رہا ہے۔ اسی طرح ہینگ سینگ انڈیکس 0.26 فیصد کی کمزوری کے ساتھ 16,700.20 پوائنٹس پر پہنچ گیا ہے۔ اسٹریٹس ٹائمز انڈیکس بھی اب تک ٹریڈنگ میں 1.28 فیصد کی بڑی گراوٹ کے ساتھ 3,182.06 پوائنٹس کی سطح پر آ گیا ہے۔ اسی طرح سیٹ کمپوزٹ انڈیکس 0.06 فیصد کی کمزوری کے ساتھ 1,401.67 پوائنٹس کی سطح پر اور جکارتہ کمپوزٹ انڈیکس 0.70 فیصد کی کمی کے ساتھ 7,288.68 پوائنٹس کی سطح پر ٹریڈ کر رہا ہے۔
دوسری جانب نکی انڈیکس نے آج ایک بار پھر بڑی چھلانگ لگائی ہے۔ فی الحال یہ انڈیکس 836.52 پوائنٹس یا 2.14 فیصد بڑھ کر 39,098.68 پوائنٹس کی سطح پر پہنچ گیا ہے۔ اسی طرح تائیوان ویٹڈ انڈیکس 115.82 پوائنٹس یا 0.61 فیصد اضافے کے ساتھ 18,968.60 پوائنٹس کی سطح پر ٹریڈ کر رہا ہے۔ اس کے علاوہ کوسپی انڈیکس 0.34 فیصد کی مضبوطی کے ساتھ 2,673.30 کی سطح پر اور شنگھائی کمپوزٹ انڈیکس 0.02 فیصد اضافے کے ساتھ 2,988.87 پوائنٹس کی سطح پر ٹریڈ کرتے ہوئے دیکھا جا رہا ہے۔
