شروعاتی کاروبار میں شیئر بازار پر دباو، سینسیکس اور نفٹی میں گراوٹ
نئی دہلی، 2 اپریل ۔ گھریلو شیئر بازار آج دباو میں کاروبار کرتا نظر آرہا ہے۔ آج بازار نے فلیٹ سطح پر ملی جلی شروعات کی تھی۔ کاروبار کے آغاز کے بعد فروخت کے دباو کی وجہ سے سینسیکس اور نفٹی دونوں انڈیکس سرخ نشان پر پہنچ گئے۔ تاہم درمیان میں خریداری کی حمایت ملنے کے بعد یہ دونوں انڈیکس کچھ دیر کے لیے سبز نشان میں بھی پہنچ گئے لیکن اس کے بعد ایک بار پھر فروخت کے دباو کی وجہ سے شیئر مارکیٹ کے دونوں انڈیکس سرخ نشان میں پہنچ گئے۔ کاروبار کے پہلے گھنٹے کے بعد سینسیکس 0.16 فیصد اور نفٹی 0.12 فیصد نیچے کاروبار کر رہے تھے۔
شروعاتی ایک گھنٹے کے کاروبار کے دوران شیئر مارکیٹ کے بڑے شیئروں میں سے بی پی سی ایل، اڈانی پورٹس، انڈس انڈ بینک، بجاج آٹو اور ایچ ڈی ایف سی بینک کے حصص 2.51 فیصد سے لیکر 1.19 فیصد کی مضبوطی کے ساتھ کاروبار کر رہے تھے۔ دوسری طرف ہیرو موٹو کارپ، آئی سی آئی سی آئی بینک، بجاج فائنانس، وپرو اور جے ایس ڈبلیو اسٹیل کے حصص 1.90 فیصد سے لیکر 0.96 فیصد کی گراوٹ کے ساتھ کاروبار کرتے نظر آرہے تھے۔
موجودہ کاروبار میں شیئر مارکیٹ میں 2,173 شیئروں میں ایکٹیو ٹریڈنگ ہورہی تھی۔ ان میں سے 1709 شیئرس منافع کماکر سبز نشان میں جبکہ 464 شیئرس خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 11 شیئرس خریداری کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباو کے باعث 19 شیئرس سرخ نشان میں کاروبار کر رہے تھے۔ جبکہ نفٹی میں شامل شیئروں میں سے 23 شیئر سبز نشان میں اور 27 شیئر سرخ نشان میں کاروبار کرتے ہوئے نظر آرہے تھے۔
بی ایس ای کا سینسیکس آج 7.75 پوائنٹس کے معمولی اضافے کے ساتھ 74,022.30 پر کھلا۔ کاروبار شروع ہوتے ہی فروخت کے دباو کی وجہ سے یہ انڈیکس سرخ نشان میں گرکر 73,792.53 پوائنٹس کی سطح پر پہنچ گیا۔ تاہم اس کے بعد خریداروں نے خریداری کا دباؤ پیدا کرنے کی کوشش کی جس کی وجہ سے یہ انڈیکس سبز نشان پر چھلانگ لگا کر 74,099.78 پوائنٹس تک پہنچ گیا۔ لیکن اس کے بعد ایک بار پھر فروخت شروع ہونے کی وجہ سے یہ انڈیکس سرخ نشان پر چلا گیا۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے سینسیکس 116.21 پوائنٹس کی کمزوری کے ساتھ 73,898.34 پوائنٹس کی سطح پر کاروبار کر رہا تھا۔
سینسیکس کے برعکس این ایس ای کے نفٹی نے آج 3.20 پوائنٹس کی معمولی گراوٹ کے ساتھ 22,458.80 پوائنٹس کی سطح پر تجارت شروع کی۔ مارکیٹ کھلتے ہی فروخت کے دباو کی وجہ سے یہ انڈیکس گر کر 22,414.35 پوائنٹس کی سطح پر پہنچ گیا۔ حالانکہ اس کے بعد خریداری کی حمایت ملنے کے بعد اس انڈیکس نے بھی کچھ وقت کے لیے سبز نشان میں اپنی جگہ بنائی۔ لیکن کاروبار کے پہلے آدھے گھنٹے میں فروخت کے دباو کی وجہ سے انڈیکس ایک بار پھر سرخ نشان میں پہنچ گیا۔ مارکیٹ میں لگاتار خرید و فروخت کے درمیان تجارت کے پہلے گھنٹے کے بعد صبح 10:15 بجے نفٹی 27.10 پوائنٹس کی گراوٹ کے ساتھ 22,434.90 پوائنٹس کی سطح پر کاروبار کر رہا تھا۔
