گھریلو شیئر بازار میں تیزی کا رجحان، سینسیکس اور نفٹی میں اضافہ
نئی دہلی، 16 فروری ۔ معمولی اتار۔چڑھاو کے باوجود آج گھریلو شیئر مارکیٹ میں تیزی کا رجحان ہے۔ آج کی تجارت کا آغاز مضبوطی کے ساتھ ہوا تھا۔ حالانکہ مارکیٹ کھلنے کے بعد خریدار اور فروخت کنندگان ایک دوسرے پر حاوی ہونے کی کوشش کرتے رہے جس کی وجہ سے اس انڈیکس کی حرکت میں اتار چڑھاو آتا رہا۔ اس کے باوجود سینسیکس اور نفٹی دونوں انڈیکس سبز نشان میں برقرار رہے۔ کاروبار کے پہلے ایک گھنٹے کے بعد سینسیکس 0.49 فیصد اور نفٹی 0.56 فیصد کے اضافے کے ساتھ کاروبار کر رہے تھے۔
شروعاتی ایک گھنٹے کا کاروبار ہونے کے بعد شیئر مارکیٹ کے بڑے شیئروں میں بی پی سی ایل، بجاج آٹو، ماروتی سوزوکی، ٹاٹا موٹرز اور اڈانی پورٹس کے حصص 3.12 فیصد سے لیکر 2.09 فیصد کے اضافے کے ساتھ کاروبار کر رہے تھے۔ دوسری جانب پاور گرڈ کارپوریشن، او این جی سی، اپولو اسپتال، آئی ٹی سی اور برٹانیہ کے شیئرس 2.54 فیصد سے لیکر 0.47 فیصد تک کی کمی کے ساتھ کاروبار کرتے نظر آرہے تھے۔
موجودہ کاروبار میں شیئر مارکیٹ میں 2,033 شیئروں میں ایکٹیو ٹریڈنگ ہورہی تھی۔ ان میں سے 1,520 شیئرس منافع کما کر سبز نشان میں جبکہ 513 شیئرس خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 25 شیئرس خریداری کی حمایت کے ساتھ سبز نشا میں بنے ہوئے تھے۔ دوسری جانب فروخت کے دباو کے باعث 5 شیئرس سرخ نشان میں کاروبار کر رہے تھے۔ جبکہ نفٹی میں شامل شیئرس میں سے 42 حصص سبز نشان میں اور 8 حصص سرخ نشان میں تجارت کرتے ہوئے نظر آرہے تھے۔
بی ایس ای کا سینسیکس آج 355.64 پوائنٹس کے اضافے کے ساتھ 72,406.02 پوائنٹس پر کھلا۔ کاروبار کے آغاز کے بعد خریداروں اور بیچنے والوں کے درمیان رسہ کشی شروع ہو گئی جس کی وجہ سے اس انڈیکس کی حرکت بھی اوپر نیچے ہوتی رہی۔ فروخت کے دباو کی وجہ سے اس انڈیکس نے 72,218.10 پوائنٹس پر غوطہ لگایا۔ وہیں خریداری کا سپورٹ ملنے پر اس نے 72,425.92 پوائنٹس تک چھلانگ بھی لگائی۔ مارکیٹ میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے سینسیکس 355.94 پوائنٹس کے اضافے کے ساتھ 72,406.32 پوائنٹس پر کاروبار کر رہا تھا۔
سینسیکس کی طرح این ایس ای کے نفٹی نے بھی آج 109.55 پوائنٹس کے اضافے کے ساتھ 22,020.30 پوائنٹس پر تجارت شروع کی۔ مارکیٹ کھلنے کے بعد اس انڈیکس کو بھی مسلسل اتار چڑھاو کا سامنا کرنا پڑا۔ فروخت کے دباو میں یہ انڈیکس 21,968.95 پوائنٹس تک گر گیا۔ وہیں خریداری کی حمایت حاصل ہونے کے بعد یہ 22,041.60 تک پہنچنے میں بھی کامیاب رہا۔ کاروبار کے پہلے ایک گھنٹے تک مارکیٹ میں مسلسل خرید و فروخت کے بعد صبح 10:15 بجے نفٹی 123.20 پوائنٹس کے اضافے کے ساتھ 22,033.95 پوائنٹس پر کاروبار کر رہا تھا۔
