گھریلو شیئر بازار میں تیزی کا رخ، سینسیکس اور نفٹی میں اضافہ
نئی دہلی، 22 دسمبر (ہ س)۔ گھریلو شیئر مارکیٹ میں آج تیزی کا رجحان نظر آرہا ہے۔ آج کے کاروبار کی شروعات اضافے کے ساتھ ہوئی تھی حالانکہ کاروبار شروع ہوتے ہی فروخت کے دباو کے باعث شیئر بازار کچھ دیر کے لیے سرخ نشان میں بھی گیا، لیکن کچھ دیر بعد ہی خریداروں نے خریداری کا زور پیدا کر کے بازار کی رفتار کو تیز کر دیا۔ کاروبار کے پہلے ایک گھنٹے کے بعد سینسیکس 0.39 فیصد اور نفٹی 0.45 فیصد کے اضافے کے ساتھ کاروبار کر رہے تھے۔
کاروبار کے پہلے ایک گھنٹے کے بعد شیئر بازار کے بڑے شیئروں میں ٹاٹا موٹرز، کول انڈیا، ٹاٹا اسٹیل، ہنڈالکو انڈسٹریز اور ڈیویز لیبارٹریز کے حصص 2.71 فیصد سے لیکر 1.59 فیصد کی مضبوطی کے ساتھ کاروبار کر رہے تھے۔ دوسری طرف ایچ ڈی ایف سی بینک، ایچ ڈی ایف سی لائف، گراسم انڈسٹریز، ایس بی آئی لائف انشورنس اور اپولو ہاسپٹلس کے شیئرس 0.65 فیصد سے لیکر 0.20 فیصد کی گراوٹ کے ساتھ کاروبار کرتے نظر آرہے تھے۔
ابھی تک کے کاروبار میں حصص بازار میں 1,987 حصص میں ایکٹو ٹریڈنگ ہورہی تھی۔ ان میں سے 1,713 شیئر منافع کماکر سبز نشان میں جبکہ 274 شیئرس خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 27 شیئر خرید کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباو کے باعث 3 شیئر سرخ نشان میں کاروبار کر رہے تھے۔ جبکہ نفٹی میں شامل حصص میں سے 42 حصص سبز نشان میں اور 8 حصص سرخ نشان میں تجارت کرتے ہوئے نظر آرہے تھے۔
بی ایس ای کا سینسیکس آج 180.55 پوائنٹس کے اضافے کے ساتھ 71,045.65 پوائنٹس پر کھلا۔ کاروبار شروع ہوتے ہی فروخت کے دباو کی وجہ سے یہ انڈیکس سرخ نشان میں گر کر 70,758.34 پوائنٹس پر پہنچ گیا۔ لیکن اس کے بعد خریداری شروع ہونے کی وجہ سے اس انڈیکس کی چال میں تیزی آگئی۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے سینسیکس 272.94 پوائنٹس کی مضبوطی کے ساتھ 71,138.04 پوائنٹس پر کاروبار کر رہا تھا۔
سینسیکس کی طرح این ایس ای کے نفٹی نے بھی آج 40.80 پوائنٹس کے اضافے کے ساتھ 21,295.85 پوائنٹس کی سطح پر تجارت شروع کی۔ بازار کھلتے ہی فروخت کے دباو کی وجہ سے یہ انڈیکس بھی سرخ نشان میں گر کر 21,248.15 پوائنٹس تک پہنچ گیا۔ لیکن اس کے بعد خریداروں نے بازار میں خریداری کا زور بنایا جس کی وجہ سے اس انڈیکس کی رفتار بڑھ گئی۔ بازار میں مسلسل خرید و فروخت کے درمیان پہلے ایک گھنٹے کی تجارت کے بعد صبح 10:15 بجے نفٹی 96.50 پوائنٹس کے اضافے کے ساتھ 21,351.55 پوائنٹس کی سطح پر کاروبار کر رہا تھا۔
ہندوستھان سماچار
/شہزاد
