گلوبل مارکیٹ سے کمزوری کے اشارے، یورپی بازار میں بڑی گراوٹ
نئی دہلی، 18 جنوری (ہ س)۔ گلوبل مارکیٹ سے آج ایک بار پھر کمزوری کے اشارے مل رہے ہیں۔ امریکی مارکیٹ کے تینوں انڈیکس گزشتہ سیشن کے دوران مسلسل تیسرے دن دباو میں رہنے کے بعد گراوٹ کے ساتھ بند ہوئے۔ ڈاو جونز فیوچرز بھی فی الحال سرخ نشان میں ہے۔ اسی طرح یورپی بازار بھی گزشتہ سیشن کے کاروبار میں 1.50 فیصد گر گئیں۔ وہیں آج ایشیائی بازاروں میں ملا۔جلا رجحان نظر آرہا ہے۔
مایوس کن ماحول کی وجہ سے وال اسٹریٹ کے تینوں انڈیکس آخری سیشن کے دوران خسارے کے ساتھ بند ہوئے۔ ڈاو جونز میں مسلسل فروخت کا دباو رہا۔ اسی طرح ایس اینڈ پی 500 انڈیکس نے گزشتہ سیشن کا کاروبار 0.69 فیصد کی کمزوری کے ساتھ 4,733.08 پوائنٹس کی سطح پر ختم کیا۔ اس کے علاوہ نیس ڈیک 0.59 فیصد گر کر 14,855.62 پوائنٹس کی سطح پر بند ہوا۔ ڈاو جونز فیوچرز بھی اس وقت 0.06 فیصد کی کمزوری کے ساتھ 37,243.25 پوائنٹس کی سطح پر کاروبار کرتا نظر آرہا ہے۔
امریکی مارکیٹ کی طرح یورپی مارکیٹ بھی گزشتہ سیشن کے دوران مسلسل دباو کا شکار رہے۔ ایف ٹی ایس ای انڈیکس 112.05 پوائنٹس یعنی 1.50 فیصد کی کمزوری کے ساتھ 7,446.29 پوائنٹس پر بند ہوا۔ اسی طرح سی اے سی انڈیکس نے 1.08 فیصد کی کمی کے ساتھ 7,318.69 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ ڈی اے ایکس انڈیکس 139.99 پوائنٹس یعنی 0.85 فیصد گر کر 16,431.69 پوائنٹس کی سطح پر بند ہوا۔
ایشیائی بازاروں میں آج ملا جلا کاروبار ہوتا نظر آرہا ہے۔ ایشیا کی 9 مارکیٹوں میں سے 7 کے انڈیکس اضافے کے ساتھ سبز نشان میں کاروبار کر رہے ہیں، جب کہ 2 انڈیکس گراوٹ کے ساتھ سرخ نشان میں بنے ہوئے ہیں۔ آج گفٹ نفٹی 186 پوائنٹس یعنی 0.86 فیصد گر کر 21,393 پوائنٹس کی سطح پر کاروبار کر رہا ہے۔ اسی طرح شنگھائی کمپوزٹ انڈیکس 1.61 فیصد کی بڑی گراوٹ کے ساتھ 2,788.69 پوائنٹس کی سطح پر پہنچگیا ہے۔
دوسری جانب نکیئی انڈیکس 123.67 پوائنٹس یعنی 0.35 فیصد کی مضبوطی کے ساتھ 35,601.42 پوائنٹس کی سطح پر کاروب ار کر رہا ہے۔ اسی طرح اسٹریٹس ٹائمز انڈیکس 0.19 فیصد اضافے کے ساتھ 3,148.25 پوائنٹس کی سطح پر پہنچ گیا ہے۔ ہینگ سینگ انڈیکس بھی کاروبار میں اب تک 0.60 فیصد چھلانگ لگا کر 15,369.03 پوائنٹس پر پہنچ گیا ہے۔ اسی طرح تائیوان ویٹڈ انڈیکس 0.49 فیصد کے اضافے کے ساتھ 17,246.59 پوائنٹس کی سطح پر تجارت کر رہا ہے۔ اس کے علاوہ کوسپی انڈیکس 0.36 فیصد اضافے کے ساتھ 2,444.56 پوائنٹس کی سطح پر، سیٹ کمپوزٹ انڈیکس 0.23 فیصد اضافے کے ساتھ 1,383.77 پوائنٹس کی سطح پر اور جکارتہ کمپوزٹ انڈیکس 0.73 فیصد کی تیزی کے ساتھ 7,253.25 پوائنٹس کی سطح پر کاروبار کر رہے ہیں۔
ہندوستھان سماچار
/شہزاد
