نئی دہلی، 31 اکتوبر ( ہ س)۔ گلوبل مارکیٹ سے آج ملے- جلے اشارے موصول ہو رہے ہیں۔ شارٹ کورنگ کے سپورٹ سے وال اسٹریٹ کے تینوں انڈیکس گزشتہ سیشن کے دوران مضبوطی کے ساتھ کاروبار کرنے کے بعد بند ہوئے۔ حالانکہ آج ڈاو جونز فیوچرز میں معمولی کمی کے ساتھ کاروبار ہوتانظر آرہا ہے۔ گزشتہ سیشن کے دوران یورپی بازاروں میں بھی تیزی رہی۔ دوسری جانب ایشیائی بازاروں میں آج دباو کا ماحول ہے۔
امریکہ میں اسی ہفتہ مرکزی بینکوں کی پالیسی ریٹ میٹنگ ہونے جا رہی ہے۔ اس سے قبل مارکیٹ میں شارٹ کورنگ کی وجہ سے وال اسٹریٹ انڈیکس ایک فیصد سے زیادہ اضافے کے ساتھ بند ہوئے۔ ڈاو¿ جونز 500 سے زائد پوائنٹس کے اضافے کے ساتھ بند ہونے میں کامیاب رہا۔ اسی طرح، ایس اینڈ پی 500 انڈیکس نے 1.20 فیصد اضافے کے ساتھ 4,166.82 پوائنٹس کی سطح پرگزشتہ سیشن کی تجارت کا اختتام کیا۔ اس کے علاوہ نیس ڈیک 146.47 پوائنٹس یعنی 1.16 فیصد اضافے کے ساتھ 12,789.48 پوائنٹس کی سطح پر بند ہوا۔ دوسری جانب، ڈاو¿ جانز فیوچرز آج 0.17 فیصد کی کمزوری کے ساتھ 32,873.40 پوائنٹس کی سطح پر تجارت کرتے ہوئے نظر آ رہا ہے۔
یورپی بازار بھی گزشتہ سیشن کے دوران مضبوطی کے ساتھ بند ہونے میں کامیاب رہے ۔ ایف ٹی ایس ای انڈیکس 0.49 فیصد اضافے کے ساتھ 7,327.39 پوائنٹس پر بند ہوا۔ اسی طرح، سی اے سی انڈیکس نے 0.44 فیصد چھلانگ لگا کر 6,825.07 پوائنٹس کی سطح پر گزشتہ سیشن کا کاروبار ختم کیا۔ اس کے علاوہ ڈی اے ایکس انڈیکس 0.20 فیصد اضافے کے ساتھ 14716.54 پوائنٹس کی سطح پر بند ہوا۔
ایشیائی بازاروں میں آج دباو کی صورتحال ہے۔ ایشیا کے 9 مارکیٹوں میں سے صرف ایک کا انڈیکس اضافہ کے ساتھ سبز نشان میں کاروبار کر رہا ہے، جبکہ 8 انڈیکس کمی کے ساتھ سرخ نشان پر ہے۔ نکئی انڈیکس اب تک کے کاروبار میں 223.79 پوائنٹس یعنی 0.73 فیصد اضافے کے ساتھ 30,920.75 پوائنٹس کی سطح پر کاروبار کر رہا ہے۔
دوسری طرف گفٹ نفٹی 0.15 فیصد کی کمی کے ساتھ 19,195.50 کی سطح پر کاروبار کر رہا ہے۔ اسی طرح اسٹریٹس ٹائمز انڈیکس 0.02 فیصد گر کر 3,063.62 پوائنٹس کی سطح پر پہنچ گیا۔ ہینگ سینگ انڈیکس 308.85 پوائنٹس یعنی 1.77 فیصد کی کمزوری کے ساتھ 17,097.51 پوائنٹس کی سطح پر ٹریڈ کر رہا ہے۔ اسی طرح کوسپی انڈیکس 1.18 فیصد گر کر 2,283.39 پوائنٹس کی سطح پر آ گیا ہے۔ اس کے علاوہ تائیوان ویٹڈ انڈیکس 106.59 پوائنٹس یعنی 0.66 فیصد گر کر 16,043.09 پوائنٹس کی سطح پر، سیٹ کمپوزٹ انڈیکس 0.99 فیصد گر کر 1,382.06 پوائنٹس کی سطح پر، جکارتہ کمپوزٹ انڈیکس 0.78 فیصد گر کر 16,382.06 پوائنٹس کی سطح پر آگیا۔ کمپوزٹ انڈیکس 0.78 فیصد گر کر 6,683.32 پوائنٹس کی سطح پر آگیا۔انڈیکس 0.38 فیصد کی کمی کے ساتھ 3,009.97 پوائنٹس پر کاروبار کر رہے ہیں۔
ہندوستھان سماچار
