گلوبل مارکیٹ سے ملے جلے اشارے، ایشیائی بازار میں تیزی کا رجحان

گلوبل مارکیٹ سے ملے جلے اشارے، ایشیائی بازار میں تیزی کا رجحان

نئی دہلی، 22 دسمبر (ہ س)۔ گلوبل مارکیٹ سے آج ملے جلے اشارے موصول ہو رہے ہیں۔ وال اسٹریٹ میں گزشتہ سیشن کے دوران زبردست ریکوری نظر آئی، لیکن ڈاو جونز فیوچرز آج خسارے کے ساتھ تجارت کر رہا ہے۔ یورپی بازار گزشتہ سیشن کے دوران مسلسل دباو میں رہا۔ وہیں ایشیائی بازار میں آج عام طور پر تیزی کا ماحول ہے۔

ایک دن کی گراوٹ کے بعد وال اسٹریٹ کے انڈیکس گزشتہ سیشن کے دوران مضبوطی کے ساتھ کاروبار کرتے ہوئے نظر آئے۔ ڈاو جونز میں 300 سے زائد پوائنٹس کی چھلانگ درج کی گئی۔ اسی طرح ایس اینڈ پی 500 انڈیکس نے گزشتہ سیشن کے کاروبار کا اختتام 1.03 فیصد اضافے کے ساتھ 4,746.75 پوائنٹس پر کیا۔ اس کے علاوہ نیس ڈیک 185.92 پوائنٹس یعنی 1.26 فیصد اضافے کے ساتھ 14,963.87 پوائنٹس کی سطح پر بند ہوا۔ حالانکہ آج ڈاو جونز فیوچرز میں گراوٹ کا رجحان دکھائی دے رہا ہے۔ یہ انڈیکس 114.46 پوائنٹس یعنی 0.31 فیصد کی کمزوری کے ساتھ فی الحال 37,289.89 پوائنٹس کی سطح پر کاروبار کر رہا ہے۔

یورپی بازار گزشتہ سیشن کے دوران مسلسل دباو میں رہا۔ ایف ٹی ایس ای انڈیکس 0.27 فیصد گر کر 7,694.73 پوائنٹس پر بند ہوا۔ اسی طرح سی اے سی انڈیکس نے 0.16 فیصد کی گراوٹ کے ساتھ 7,571.40 پوائنٹس پر گزشتہ سیشن کے کاروبار کا اختتام کیا۔ اس کے علاوہ ڈی اے ایکس انڈیکس 0.27 فیصد کی کمزوری کے ساتھ 16,687.42 پوائنٹس کی سطح پر بند ہوا۔

ایشیائی بازاروں میں آج عام طور پر تیزی کا رجحان ہے۔ ایشیا کے 9 بازاروں میں سے صرف 2 کے انڈیکس معمولی گراوٹ کے ساتھ سرخ نشان میں کاروبار کر رہے ہیں، جبکہ باقی تمام 7 انڈیکس مضبوطی کے ساتھ سبز نشان میں بنے ہوئے ہیں۔ ہینگ سینگ انڈیکس 0.44 فیصد کی کمزوری کے ساتھ 16,548.98 پوائنٹس کی سطح پر کاروبار کر رہا ہے۔ اسی طرح سیٹ کمپوزٹ انڈیکس 0.16 فیصد کمزور ہوکر 1,402.64 پوائنٹس کی سطح پر کاروبار کرتا ہوا نظر آرہا ہے۔

دوسری طرف گفٹ نفٹی 0.29 فیصد کی مضبوطی کے ساتھ 21,378.50 پوائنٹس کی سطح پر تجارت کر رہا ہے۔ اسی طرح نکیئی انڈیکس 0.17 فیصد اضافے کے ساتھ 33,197.35 پوائنٹس کی سطح پر پہنچ گیا ہے۔ اسٹریٹس ٹائمز انڈیکس بھی کاروبار میں ابھی تک 0.85 فیصد اضافے کے ساتھ 3,138.89 پوائنٹس کی سطح پر پہنچ گیا ہے۔ اسی طرح تائیوان ویٹڈ انڈیکس 0.25 فیصد کی مضبوطی کے ساتھ 17,586.96 پوائنٹس کی سطح پر تجارت کر رہا ہے۔ اس کے علاوہ کوسپی انڈیکس 0.34 فیصد اضافے کے ساتھ 2,608.78 پوائنٹس کی سطح پر، جکارتہ کمپوزٹ انڈیکس 0.41 فیصد اضافے کے ساتھ 7,239.36 پوائنٹس اور شنگھائی کمپوزٹ انڈیکس 0.50 فیصد کی مضبوطی کے ساتھ 2,933.25 پوائنٹس کی سطح پر کاروبار کر رہا ہے۔

ہندوستھان سماچار

/شہزاد