نئی دہلی، 08 دسمبر ( ہ س)۔ گلوبل مارکیٹ سے آج ملے- جلے اشارے موصول ہو رہے ہیں۔ وال اسٹریٹ کے انڈیکس گزشتہ سیشنمیں مضبوطی کے ساتھ بند ہوئے ۔ اسی طرح ڈاو جونز فیوچرز بھی آج معمولی اضافے کے ساتھ کاروبار کرتا ہوا نظر آ رہا ہے۔ دوسری جانب گزشتہ سیشن کے دوران یورپی مارکیٹ میں مسلسل دباو رہا جس کی وجہ سے یورپ کے تینوں بڑے انڈیکس گر کر سرخ رنگ میں بند ہوئے۔ وہیں ایشیائیبازاروں میں بھی آج عام طور پر مضبوطی کا رجحان ہے۔
بہتر اقتصادی اعداد و شمار سے پر امید وال سٹریٹ گزشتہ سیشن کے دوران مثبت موڈ میں رہا۔ ایس اینڈ پی 500 انڈیکس 0.75 فیصد اضافے کے ساتھ 4,583.58 پوائنٹس پر بند ہوا۔ اسی طرح، نیس ڈیک نے 193.28 پوائنٹس یعنی 1.37 فیصد کے اضافے کے ساتھ 14,339.99 پوائنٹس کی سطح پر گزشتہ سیشن کا کاروبار بند کیا۔ ڈاو¿ جونز فیوچرز بھی آج 0.02 فیصد اضافے کے ساتھ 36,124.92 پوائنٹس کی سطح پر تجارت کرتا ہوا دیکھا ئی دے رہا ہے۔
امریکی بازاروں کے برعکس یورپی منڈیوں میں گزشتہ سیشن کے دوران دباو میں کاروبار جاری رہا۔ ایف ٹی ایس ای انڈیکس 0.02 فیصد کمی کے ساتھ 7,513.72 پوائنٹس پر بند ہوا۔ اسی طرح سی اے سی انڈیکس نے 0.10 فیصد کی کمزوری کے ساتھ 7428.52 پوائنٹس کی سطح پر گزشتہ سیشن کا کاروبار ختم کیا۔ اس کے علاوہ ڈی اے ایکس انڈیکس 0.17 فیصد گر کر 16,628.99 پوائنٹس کی سطح پر بند ہوا۔
ایشیائی بازار میں آج تیزی کا ماحول قائم ہے۔ ایشیا کے 9 بازاروں میں سے 8 کے انڈیکس تیزی کے ساتھ سبز رنگ میں کاروبار کر رہے ہیں، جبکہ 1 انڈیکس بڑی گراوٹ کے ساتھ سرخ رنگ میں ہے۔ ایشیائی بازاروں میں سے واحد نکئی انڈیکس اس وقت 533.67 پوائنٹس یعنی 1.62 فیصد کمی کے ساتھ 32,324.64 پوائنٹس کی سطح پر کاروبار کر رہا ہے۔
دوسری طرفگفٹ نفٹی 0.09 فیصد کی مضبوطی کے ساتھ 21,096.50 پوائنٹس کی سطح پر کاروبار کر رہا ہے۔ اسی طرح اسٹریس ٹائمز انڈیکس 0.93 فیصد اضافے کے ساتھ 3,102.98 پوائنٹس کی سطح پر پہنچ گیا ہے۔ تائیوان ویٹڈ انڈیکس بھی 141.34 پوائنٹس یعنی 0.82 فیصد مضبوطی کے ساتھ 17,420.08 پوائنٹس کی سطح پر کاروبار کر رہا ہے ۔ اسی طرح کوسپی انڈیکس میں 0.80 فیصد کا اضافہ ہوا ہے اور یہ 2,511.97 پوائنٹس کی سطح پر کاروبار کر رہا ہے۔ اس کے علاوہ ہینگ سینگ انڈیکس 0.14 فیصد اضافے کے ساتھ 16,368.28 پوائنٹس کی سطح پر ، سیٹ کمپوزٹ انڈیکس 0.72 فیصد اضافے کے ساتھ 1,388.59 پوائنٹس کی سطح پر، جکارتہ کمپوزٹ انڈیکس 0.58 فیصد اضافے کے ساتھ 7,176.05 پوائنٹس کی سطح پر اور شنگھائی کمپوزٹ انڈیکس 0.58 فیصد اضافے کے ساتھ 7,176.05 پوائنٹس کی سطح پر اور شنگھائی کمپوزٹ انڈیکس 0.72 فیصد اضافے کے ساتھ 2978.98پوائنٹس کی سطح پر کاروبار کر رہے ہیں۔
ہندوستھان سماچار
