نئی دہلی، 23 جنوری (ہ س)۔ آج گلوبل مارکیٹ سے مضبوطی کے رجحانات نظر آرہے ہیں۔ گزشتہ کاروباری سیشن میں امریکی مارکیٹ میں جوش و خروش کا ماحول تھا جس کی وجہ سے وال اسٹریٹ کے تینوں انڈیکس ریکارڈ بلندی پر بند ہوئے۔ ڈاو¿ جونز فیوچرز بھی آج فائدہ کے ساتھ تجارت کرتا ہورا نظر آ رہا ہے۔ گزشتہ سیشن کے دوران یورپی مارکیٹ میں بھی تیزی رہی۔ ایشیائی مارکیٹ میں آج ملا- جلا کاروبار ہو رہا ہے۔
جوش و خروش کے ماحول کی وجہ سے گزشتہ سیشن کے دوران وال اسٹریٹ کے تینوں انڈیکس میں مسلسل تیزی قائم رہی ۔ ڈاو¿ جونز پہلی بار 38 ہزار پوائنٹس کی سطح سے اوپر بند ہوا۔ اسی طرح، ایس اینڈ پی 500 انڈیکس نے گزشتہ سیشن کا کاروبار 0.26 فیصد اضافے کے ساتھ 4,852.38 پوائنٹس کی سطح پر ختم کیا۔ اس کے علاوہ نیس ڈیک 0.32 فیصد اضافے کے ساتھ 15,360.29 پوائنٹس کی سطح پر بند ہوا۔ آج ڈاو¿ جونز فیوچرز 0.05 فیصد کی مضبوطی کے ساتھ 38,019.51 پوائنٹس کی سطح پر کاروبار کرتا ہوا نظر آ رہا ہے۔
گزشتہ سیشن کے دوران یورپی مارکیٹ میں بھی مضبوطی کے ساتھ کاروبار ہوتا رہا۔ ایف ٹی ایس ای انڈیکس 0.34 فیصد اضافے کے ساتھ 7,487.71 پوائنٹس پر بند ہوا۔ اسی طرح، سی اے سی انڈیکس نے 0.56 فیصد اضافے کے ساتھ 7,413.25 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ ڈی اے ایکس انڈیکس 128.23 پوائنٹس یعنی 0.77 فیصد اضافے کے ساتھ 16,683.36 پوائنٹس کی سطح پر بند ہوا۔
ایشیائی بازاروں میں آج ملا- جلا کاروبار دیکھا گیا۔ ایشیا کے 9 بازاروں میں سے 6 کے انڈیکس سرخ نشان میں اضافے کے ساتھ کاروبار کر رہے ہیں، جبکہ 3 انڈیکس کمی کے ساتھ سرخ نشان میں کاروبار کر رہے ہیں۔ سیٹ کمپوزٹ انڈیکس 0.02 فیصد کی معمولی کمزوری کے ساتھ 1,369.64 پوائنٹس کی سطح پر کاروبار کر رہا ہے۔ اسی طرح جکارتہ کمپوزٹ انڈیکس 0.49 فیصد گر کر 7,212.25 پوائنٹس کی سطح پر پہنچ گیا۔ اس کے علاوہ شنگھائی کمپوزٹ انڈیکس 0.35 فیصد کی کمی کے ساتھ 2,746.74 پوائنٹس کی سطح پر کاروبار کرتا ہوا نظر آرہا ہے۔
دوسری طرفگفٹ نفٹی 166.50 پوائنٹس یعنی 0.77 فیصد کے اضافے کے ساتھ 21,756 پوائنٹس کی سطح پر کاروبار کر رہا ہے۔ اسی طرح نکیئی انڈیکس 0.24 فیصد اضافے کے ساتھ 36,633.47 پوائنٹس کی سطح پر پہنچ گیا ہے۔ ہینگ سینگ انڈیکس نے اب تک کے کاروبار میں 371.94 پوائنٹس یعنی 2.43 فیصد کی بڑی چھلانگ لگاکر 15,333.12 پوائنٹس کی سطح پر پہنچ گیا ہے۔ اسی طرح،ا سٹریٹس ٹائمز انڈیکس 0.11 فیصد اضافے کے ساتھ 3,152.68 پوائنٹس کی سطح پر تجارت کرتا ہوا دیکھا جا رہا ہے۔ اس کے علاوہ تائیوان ویٹڈ انڈیکس 0.12 فیصد اضافے کے ساتھ 17,836.63 پوائنٹس کی سطح پر اور کوسپی انڈیکس 0.31 فیصد اضافے کے ساتھ 2,472.01 پوائنٹس کی سطح پر کاروبار کر رہا ہے۔
ہندوستھان سماچار
