نئی دہلی، 15 نومبر (ہ س)۔ امریکہ میں بانڈ ایلڈ کی شرح میں کمی اور افراط زر کے محاذ پرملی راحت کے باعث آج عالمی مارکیٹ سے مثبت اشارے موصول ہو رہے ہیں۔ گزشتہ سیشن کے دوران یورپی مارکیٹس بھی مضبوطی کے ساتھ بند ہوئے۔ اسی طرح آج ایشیائی بازاروں میں تیزی کا ماحول ہے۔
امریکہ میں مہنگائی کی شرح جولائی سے اب تک 3.02 فیصد کی کم ترین سطح پر پہنچ گئی ہے، اسی طرح بنیادی افراط زر بھی دو سالوں میں 4 فیصد کی کم ترین سطح پر پہنچ گئی ہے۔ اسی طرح بانڈ ایلڈ کی شرح میں بھی کمی آئی ہے جس کی وجہ سے گزشتہ سیشن کے دوران وال اسٹریٹ انڈیکس اضافے کے ساتھ بند ہونے میں کامیاب رہے تھے۔ڈاو¿ جونز 500 سے زائد پوائنٹس چڑھنے میں کامیاب رہا۔ وہیں ایس اینڈ پی 500 انڈیکس نے 2.08 فیصد اضافے کے ساتھ 4,503.29 پوائنٹس کی سطح پر گزشتہ سیشن کا کاروبار ختم کیا ۔ اس کے علاوہ نیس ڈیک 349.88 پوائنٹس یعنی 2.54 فیصد اضافے کے ساتھ 14,117.62 پوائنٹس کی سطح پر بند ہوا۔
یورپی بازار بھی گزشتہ سیشن میں مضبوطی کے ساتھ بند ہونے میں کامیاب رہے ۔ ایف ٹی ایس ای انڈیکس 0.20 فیصد اضافے کے ساتھ 7,440.47 پوائنٹس پر بند ہوا۔ اسی طرح، سی اے سی انڈیکس نے 1.37 فیصد اضافے کے ساتھ 7,185.68 پوائنٹس کی سطح پر گزشتہ سیشن کے کاروبارختم کیا ۔ اس کے علاوہ ڈی اے ایکس انڈیکس 269.43 پوائنٹس یعنی 1.73 فیصد اضافے کے ساتھ 15614.43 پوائنٹس کی سطح پر بند ہوا۔
ایشیائی مارکیٹ میں بھی آج تیزی کا ماحول ہے۔ ایشیا کی تمام 9 مارکیٹس اس وقت مضبوطی کے ساتھ کاروبار کرتے ہوئے نظر آ رہے ہیں۔گفٹ نفٹی 206.5 پوائنٹس یعنی 1.06 فیصد کے اضافے کے ساتھ 19,707 پوائنٹس کی سطح پر کاروبار کر رہا ہے۔ اس کے علاوہ اسٹریٹس ٹائمز انڈیکس 0.51 فیصد اضافے کے ساتھ 3,120.62 پوائنٹس کی سطح پر کاروبار کر رہا ہے۔ نکئی انڈیکس اب تک کے کاروبارمیں 772.47 پوائنٹس یعنی 2.31 فیصد کے اضافے کے ساتھ 33,474.41 پوائنٹس کی سطح پر ٹریڈ کر رہا ہے۔ اسی طرح ہینگ سینگ انڈیکس بھی 499.29 پوائنٹس یعنی 2.87 فیصد اضافے کے ساتھ 17,896.15 پوائنٹس کی سطح پر کاروبار کر رہا ہے۔
کوسپی انڈیکس نے بھی آج 2.09 فیصد کی زبردست چھلانگ لگائی ہے۔ اس وقت یہ انڈیکس 2,484.21 پوائنٹس کی سطح پر پہنچ گیا ہے۔ اسی طرح سیٹ کمپوزٹ انڈیکس 1.55 فیصد اضافے کے ساتھ 1,407.81 پوائنٹس کی سطح پر تجارت کرتا ہوانظر آ رہا ہے۔ اس کے علاوہ جکارتہ کمپوزٹ انڈیکس 1.47 فیصد اضافے کے ساتھ 6,962.73 پوائنٹس کی سطح پر، شنگھائی کمپوزٹ انڈیکس 0.45 فیصد اضافے کے ساتھ 3,069.85 پوائنٹس کی سطح پر اور تائیوان ویٹڈ انڈیکس 0.99 پوائنٹس کے اضافے کے ساتھ 17,074.52 پوائنٹس کی سطح پر کاروبار کر رہاہے۔
ہندوستھان سماچار
