نئی دہلی، 19 جنوری (ہ س)۔ گلوبل مارکیٹ سے آج مضبوطی کے آثارنظر آ رہے ہیں۔ تین دن تک مسلسل گراوٹ کا سامنا کرنے کے بعد، وال اسٹریٹ کے تینوں انڈیکس گزشتہ سیشن کے دوران اضافے کے ساتھ بند ہوئے۔ تاہم، ڈاو¿ جونز فیوچرز آج معمولی کمی کے ساتھ تجارت کرتا دکھائی دے رہا ہے۔ گزشتہ سیشن کے دوران یورپی مارکیٹ میں بھی تیزی رہی۔ ایشیائی بازاروں میں بھی آج عام طور پر اضافہ کے ساتھ کاروبار ہوتا نظر آرہا ہے۔
تین دن تک مسلسل کمزوری کا سامنا کرنے کے بعد گزشتہ سیشن کے دوران امریکی بازار میں رونق نظر آئی ۔ وال اسٹریٹ کے تینوں انڈیکس مضبوطی کے ساتھ کاروبار کر سبز رنگ میں بند ہوئے۔ ڈاو¿ جونز 202 پوائنٹس کے اضافے کے ساتھ بند ہوا۔ اسی طرح ایس اینڈ پی 500 انڈیکس نے گزشتہ سیشن کا کاروبار 0.88 فیصد اضافے کے ساتھ 4,780.94 پوائنٹس کی سطح پر ختم کیا۔ اس کے علاوہ نیس ڈیک 200.03 پوائنٹس یعنی 1.35 فیصد اضافے کے ساتھ 15,055.65 پوائنٹس کی سطح پر بند ہوا۔ ڈاو جونز فیوچرز فی الحال 0.02 فیصد کی معمولی کمی کے ساتھ 37,460.13 پوائنٹس کی سطح پر تجارت کر رہا ہے۔
یورپی بازار میں گزشتہ سیشن کے دوران بھی جوش کا ماحول تھا۔ ایف ٹی ایس ای انڈیکس 0.17 فیصد اضافے کے ساتھ 7,459.09 پوائنٹس پر بند ہوا۔ اسی طرح سی اے سی انڈیکس 82.66 پوائنٹس یعنی 1.12 فیصد اضافے کے ساتھ 7401.35 پوائنٹس کی سطح پر بند ہوا۔ اس کے علاوہ ڈی اے ایکس انڈیکس 135.66 پوائنٹس یعنی 0.82 فیصد اضافے کے ساتھ 16,567.35 پوائنٹس کی سطح پر بند ہوا۔
ایشیائی بازاروں میں بھی آج عام طور پر تیزی کا رجحان دیکھا جا رہا ہے۔ ایشیا کے 9بازاروں میں سے 6 کے انڈیکس تیزی کے ساتھ سبز نشان میں کاروبار کر رہے ہیں، جبکہ 3 انڈیکس کمی کے ساتھ سرخ نشان میں ہیں۔ ہینگ سینگ انڈیکس 0.16 فیصد کی کمزوری کے ساتھ 15,367.47 پوائنٹس کی سطح پر کاروبار کر رہا ہے۔ اسی طرح جکارتہ کمپوزٹ انڈیکس 0.10 فیصد کی کمی کے ساتھ 7,245.71 پوائنٹس کی سطح پر کاروبار کر رہا ہے۔ اس کے علاوہ شنگھائی کمپوزٹ انڈیکس 0.48 فیصد گر کر 2,832.29 پوائنٹس کی سطح پر آ گیا ہے۔
دوسری طرف گفٹ نفٹی 155 پوائنٹس یعنی 0.74 فیصد کے اضافے کے ساتھ 21627 پوائنٹس کی سطح پر کاروبار کر رہا ہے۔ اسی طرح اسٹریٹ ٹائم انڈیکس 0.36 فیصد اضافے کے ساتھ 3,151.17 پوائنٹس کی سطح پر تجارت کرتا ہوا دیکھا جا رہا ہے۔ تائیوان ویٹڈ انڈیکس 400.71 پوائنٹس یعنی 2.33 فیصد کی زبردست چھلانگ کے ساتھ 17,628.50 پوائنٹس پر پہنچ گیا ہے۔ اسی طرح کوسپی انڈیکس 1.02 فیصد کی مضبوطی کے ساتھ 2,464.81 پوائنٹس کی سطح پر پہنچ گیا۔ اس کے علاوہ نکیئی انڈیکس 420.07 پوائنٹس یعنی 1.18 فیصد اضافے کے ساتھ 35,886.24 پوائنٹس کی سطح پر اور سیٹ کمپوزٹ انڈیکس 0.62 فیصد اضافے کے ساتھ 1,386.52 پوائنٹس کی سطح پر کاروبار کر رہا ہے۔
ہندوستھان سماچار
