۔ سرمایہ کاروں کو ایک دن میں 3 لاکھ کروڑ روپے کا منافع
نئی دہلی، 12 جنوری (ہ س)۔ گھریلو شیئر مارکیٹ آج زبردست تیزی کا گواہ بنا۔ سینسیکس اور نفٹی دونوں انڈیکس نے آج مضبوطی کے اپنے تمام پچھلے ریکارڈ توڑ دیئے۔ آج کے کاروبار کا آغاز پازیٹیو سینٹی منٹس کے ساتھ ہوا۔ دن کے بیشتر کاروبار میں خریداروں کا راج رہا۔ حالانکہ مارکیٹ میں گاہے بگاہے منافع وصولی بھی ہوتی رہی لیکن اس کے باوجودشیئر بازار آج ایک بار پھر ریکارڈ بلندی پر بند ہونے میں کامیاب رہا۔ پورے دن کی تجارت کے بعد، سینسیکس 1.18 فیصد اور نفٹی 1.14 فیصد کے اضافے کے ساتھ بند ہوا۔
آج دن کے کاروبار کے دوران رئیلٹی، آئی ٹی اور پی ایس یو بینک سیکٹر کے شیئروں میں زبردست خرید و فروخت ہوئی۔ آئی ٹی انڈیکس آج 5 فیصد اضافے کے ساتھ گزشتہ 42 ماہ کی بلند ترین سطح پر پہنچ گیا۔ اسی طرح آئل اینڈ گیس اور ریئلٹی انڈیکس بھی 2 فیصد کی مضبوطی کے ساتھ بند ہوئے۔ آج کے کاروبار میں ہیلتھ کیئر اور آٹوموبائل کے شعبوں میں فروخت ہوتی رہی ۔براڈر مارکیٹ میں آج مسلسل خریدار ہوتی رہی، جس کی وجہ سے بی ایس ای مڈ کیپ انڈیکس 0.36 فیصد اضافے کے ساتھ بند ہوا۔ اسی طرح، اسمال کیپ انڈیکس نے آج کے کاروبار کا اختتام 0.41 فیصد اضافے کے ساتھ کیا۔
آج بازار میں تیزی کی وجہ سے حصص بازار کے سرمایہ کاروں کی دولت میں تقریباً 3 لاکھ کروڑ روپے کا اضافہ ہوا۔ بی ایس ای درج کمپنیوں کا بازار سرمایہ (مارکیٹ کپٹلائزیشن)آج کے کاروبار کے بعد بڑھ کر 373.44 لاکھ کروڑ روپے (عارضی) ہو گیا۔ جبکہ گزشتہ تجارتی دن یعنی جمعرات کو ان کا مارکیٹ کپٹلائزیشن 370.44 لاکھ کروڑ روپے تھا۔ اس طرح سرمایہ کاروں نے آج کی تجارت سے تقریباً 2.97 لاکھ کروڑ روپے کا منافع کمایا۔
آج، دن بھر کے کاروبار میں بی ایس ای میں 3,942 شیئروں میں ایکٹیو ٹریڈنگ ہوئی جن میں سے 2,111 شیئرس کی قیمتوں میں اضافہ، 1,744 حصص کی قیمتوں میں کمی اور 87 کے حصص بغیر کسی اتار چڑھاو کے بند ہوئے۔ این ایس ای میں آج 2,143 حصص میں ایکٹیو ٹریڈنگ ہوئی۔ ان میں سے 1,116 حصص منافع کمانے کے بعد سبز نشان میں بند ہوئے اور 1,027 حصص نقصان اٹھانے کے بعد سرخ نشان پر بند ہوئے۔ اسی طرح سینسیکس میں شامل 30 شیئروں میں سے 19 اسٹاک اضافے کے ساتھ بند ہوئے اور 11 شیئرس گراوٹ کے ساتھ بند ہوئے۔ جبکہ نفٹی میں شامل اسٹاکس میں سے 31 اسٹاکس سبز نشان میں اور 19 اسٹاک سرخ نشان میں بند ہوئے۔
بی ایس ای سینسیکس آج 426.89 پوائنٹس کے اضافے کے ساتھ 72,148.07 پوائنٹس پر کھلا۔ ٹریڈنگ کے آغاز سے ہی خریداروں نے اپنی موجودگی کا احساس دلایا ہے جس کی وجہ سے اس انڈیکس کی حرکت میں اضافہ ہوا ہے۔ تاہم کاروبار کے دوران، منافع وصولی کے لیے وقفے وقفے سے فروخت ہوتی رہی، جس کی وجہ سے انڈیکس کو معمولی جھٹکے لگتے رہے۔ لیکن مارکیٹ میں خرید کا دباو اتنا زیادہ تھا کہ یہ انڈیکس لگاتار بڑھتا رہا۔ مسلسل خریداری کے تعاون سے یہ انڈیکس 999.78 پوائنٹس کی چھلانگ لگا کر 72,720.96 پوائنٹس کی بلند ترین سطح پر پہنچ گیا۔ تاہم کاروبار کے آخری دور میں معمولی منافع وصولی کی وجہ سے، سینسیکس ریکارڈ بلندی سے تھوڑا نیچے گر گیا اور 847.27 پوائنٹس کے اضافے کے ساتھ 72,568.45 پوائنٹس پر بند ہوا۔
این ایس ای کے نفٹی نے آج 21,773.55 پوائنٹس پر تجارت شروع کی، جس نے 126.35 پوائنٹس کی چھلانگ کے ساتھ اب تک کی اونچی شروعات کا نیا ریکارڈ بنایا۔ مارکیٹ کھلنے کے بعد اس انڈیکس کو مسلسل خریداری کا سہارا بھی ملا جس کی وجہ سے یہ انڈیکس تیزی کے راستے پر گامزن رہا اور 281.05 پوائنٹس کے اضافے کے ساتھ 21,928.25 پوائنٹس کی بلند ترین سطح پر پہنچ گیا۔ تاہم، ٹریڈنگ کے آخری آدھے گھنٹے میں منافع وصولی کی وجہ سے فروخت کی وجہ سے، نفٹی اوپری سطح سے قدرے نیچے پھسل گیا اور 247.35 پوائنٹس کے اضافے کے ساتھ 21,894.55 پوائنٹس پر بند ہوا۔
پورے دن کی تجارت کے بعد شیئر مارکیٹ کے بڑے شیئروں میں انفوسس 7.93 فیصد، او این جی سی 5.45 فیصد، ٹیک مہندرا 4.69 فیصد، ایل ٹی مائنڈ ٹری 4.65 فیصد اور ٹی سی ایس 3.94 فیصد کے اضافے کے ساتھ آج کے ٹاپ 5 گینرس کی فہرست میں شامل ہوا۔ دوسری طرف سپلا 1.33 فیصد، اپولو ہاسپٹلز1.26 فیصد، الٹرا ٹیک سیمنٹ 1.13 فیصد، بجاج فنسرو 1.04 فیصد اور پاور گرڈ کارپوریشن 1.01 فیصدکی گراوٹ کے ساتھ آج کے ٹاپ 5لوزرس کی فہرست میں شامل رہے ۔
ہندوستھان سماچار
