مسلسل تیسرے دن شیئر بازار پر دباو، شروعاتی کاروبار میں سینسیکس اور نفٹی میں گراوٹ

مسلسل تیسرے دن شیئر بازار پر دباو، شروعاتی کاروبار میں سینسیکس اور نفٹی میں گراوٹ

نئی دہلی، 20 اکتوبر (ہ س)۔ منفی عالمی رجحانات کی وجہ سے گھریلو شیئر بازار میں آج مسلسل تیسرے دن دباو کی صورتحال نظر آ رہی ہے۔ آج کے کاروبار کی شروعات کمزوری کے ساتھ ہوئی تھی۔ بازار کھلتے ہی فروخت کے دباو میں بینچ مارک انڈیکس میں گراوٹ اور تیزی نظر آئی لیکن بعد میں خریداروں کی حمایت ملنے سے سینسیکس اور نفٹی دونوں انڈیکس میں معمولی ریکوری ہوتی نظر آئی۔ کاروبار کے پہلے ایک گھنٹے کے بعد سینسیکس 0.22 فیصد اور نفٹی 0.27 فیصد کی کمزوری کے ساتھ کاروبار کر رہے تھے۔

کاروبار کے پہلے ایک گھنٹے کے دوران حصص بازار کے سرکردہ شیئروں میں نیسلے، اڈانی انٹرپرائزز، انڈس انڈ بینک، کوٹک مہندرا اور اڈانی پورٹس کے حصص 1.99 فیصد سے لیکر 0.65 فیصد کے اضافے کے ساتھ کاروبار کر رہے تھے۔ دوسری طرف آئی ٹی سی، ہندوستان یونی لیور، پاور گرڈ کارپوریشن، ایچ ڈی ایف سی لائف اور ایچ سی ایل ٹیکنالوجی کے شیئر 1.96 فیصد سے لیکر 1.10 فیصد کی گراوٹ کے ساتھ کاروبار کرتے ہوئے نظر آرہے تھے۔

ابھی تک کے کاروبار میں حصص بازار میں 1,977 حصص میں ایکٹیو ٹریڈنگ ہورہی تھی۔ ان میں سے 1,142 شیئر منافع کماکر سبز نشان میں کاروبار کر رہے تھے جبکہ 835 شیئرس خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 11 شیئر خریداری کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباؤ کے باعث 19 شیئرس سرخ نشان میں کاروبار کر رہے تھے جبکہ نفٹی میں شامل شیئروں میں سے 15 حصص سبز نشان میں اور 35 حصص سرخ نشان میں تجارت کرتے ہوئے نظر آرہے تھے۔

بی ایس ای کا سینسیکس آج 192.17 پوائنٹس کی گراوٹ کے ساتھ 65,437.07 پوائنٹس کی سطح پر کھلا۔ کاروبار شروع ہوتے ہی فروخت کے دباؤ کی وجہ سے یہ انڈیکس 300 سے زائد پوائنٹس گر کر 65,308.61 پوائنٹس کی سطح پر پہنچ گیا۔ لیکن اس کے فوراً بعد خریداروں نے مارکیٹ میں فروخت کا دباؤ پیدا کرنے کی کوشش کی جس کی وجہ سے اس انڈیکس کی صورتحال بہتر ہوتی نظر آئی۔ تاہم فروخت کے دباؤ کی وجہ سے یہ انڈیکس سرخ نشان میں برقرار رہا۔ بازار میں مسلسل خرید و فروخت کے درمیان پہلے ایک گھنٹے کے کاروبار کے بعد صبح 10:15 بجے سینسیکس 143.10 پوائنٹس کی کمزوری کے ساتھ 65,486.14 پوائنٹس کی سطح پر کاروبار کر رہا تھا۔

سینسیکس کی طرح این ایس ای کے نفٹی نے آج 82.55 پوائنٹس گر کر 19,542.15 پوائنٹس پر تجارت شروع کی۔ بازار کھلتے ہی منفی جذبات کی وجہ سے یہ انڈیکس 100 سے بھی زائد پوائنٹس گر کر 19,518.70 پوائنٹس کی سطح پر پہنچ گیا۔ حالانکہ اس کے بعد خریداری کی حمایت سے نفٹی نے بھی سنبھلنے کی کوشش کی۔ اس کے باوجود یہ انڈیکس سرخ نشان میں تجارت کرتا رہا۔ مارکیٹ میں مسلسل خرید و فروخت کے درمیان پہلے ایک گھنٹے کی تجارت کے بعد صبح 10:15 بجے نفٹی 53.95 پوائنٹس کی کمزوری کے ساتھ 19,570.75 پوائنٹس کی سطح پر کاروبار کر رہا تھا۔

ہندوستھان سماچار

/شہزاد