شیئر بازار میں مسلسل تیسرے دن گراوٹ، سینسیکس اور نفٹی میں گراوٹ
نئی دہلی، 18 جنوری (ہ س)۔ گھریلو شیئر بازار میں آج مسلسل تیسرے روز بھی مندی کا رجحان ہے۔ آج کا کاروبار بھی کمزوری کے ساتھ شروع ہوا۔ مارکیٹ کھلنے کے بعد ابتدائی منٹوں میں معمولی خریداری بھی ہوئی لیکن اس کے بعد مارکیٹ پر فروخت کا دباو بن گیا، جس کی وجہ سے شیئر مارکیٹ کی گراوٹ میں تیزی آئی۔ حالانکہ صبح 10 بجے کے قریب خریداروں نے ایک بار پھر خریداری کا زوربنانے کی کوشش کی جس کی وجہ سے شیئر مارکیٹ کی صورتحال میں معمولی بہتری دکھائی دی۔ کاروبار کے پہلے گھنٹے کے بعد سینسیکس 0.80 فیصد کی گراوٹ کے ساتھ اور نفٹی 0.96 فیصد کی گراوٹ کے ساتھ کاروبار کر رہے تھے۔
شروعاتی ایک گھنٹے کے کاروبار کے دوران شیئر بازار کے بڑے شیئروں میں سے ایکسس بینک، سن فارماسیوٹیکل، آئی سی آئی سی آئی بینک، ٹاٹا موٹرز اور کوٹک مہندرا کے شیئرس 0.96 فیصد سے لیکر 0.15 فیصد کے اضافے کے ساتھ کاروبار کر رہے تھے۔ دوسری طرف ایل ٹی مائنڈ ٹری، ایشین پینٹس، ڈیویز لیبارٹریز، این ٹی پی سی اور پاور گرڈ کارپوریشن کے شیئرس 12.22 فیصد سے لیکر 2.09 فیصد کی گراوٹ کے ساتھ کاروبار کرتے نظر آرہے تھے۔
موجودہ کاروبار میں شیئر مارکیٹ میں 2,037 شیئروں میں ایکٹیو ٹریڈنگ ہورہی تھی۔ ان میں سے 200 شیئرز منافع کماکر سبز نشان میں جبکہ 1837 شیئرز خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 6 شیئرس خریداری کی حمایت کے ساتھ سبز نشان میں بنےہوئے تھے۔ دوسری جانب فروخت کے دباو کے باعث 24 شیئرس سرخ نشان میں کاروبار کر رہے تھے۔ جبکہ نفٹی میں شامل حصص میں سے 6 حصص سبز نشان میں اور 44 حصص سرخ نشان میں کاروبار کرتے نظر آرہے تھے۔
بی ایس ای کا سینسیکس آج 481.90 پوائنٹس گر کر 71,018.86 پوائنٹس پر کھلا۔ کاروبار شروع ہوتے ہی خریداروں نے خریداری کا زور بنانے کی کوشش کی جس کی وجہ سے انڈیکس ابتدائی سطح سے تقریباً 170 پوائنٹس کی چھلانگ لگا کر 71,190.85 پوائنٹس پر پہنچ گیا۔ لیکن اس کے بعد مارکیٹ میں آل راونڈ فروخت شروع ہوگئی جس کی وجہ سے یہ انڈیکس مسلسل گرتا چلا گیا۔ صبح 10 بجے کے قریب یہ انڈیکس 835.26 پوائنٹس گر کر 70,665.50 پوائنٹس کی سطح پر آ گیا تھا۔ حالانکہ اس کے بعد خریداروں نے ایک بار پھر خریداری کا زور بنانے کی کوشش کی جس کی وجہ سے اس انڈیکس کی پوزیشن میں معمولی بہتری دیکھنے میں آئی۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے سینسیکس 574.75 پوائنٹس کی گراوٹ کے ساتھ 70,926.01 پوائنٹس کی سطح پر کاروبار کر رہا تھا۔
سینسیکس کی طرح این ایس ای کے نفٹی نے آج 157.75 پوائنٹس کی کمزوری کے ساتھ 21,414.20 پوائنٹس پر تجارت شروع کی۔ مارکیٹ کھلتے ہی خریداری شروع ہونے کی وجہ سے یہ انڈیکس کچھ ہی وقت میں تقریباً 60 پوائنٹس کی چھلانگ لگا کر 21,474.40 پوائنٹس پر پہنچ گیا۔ لیکن اس کے بعد مارکیٹ میں فروخت کے باعث یہ انڈیکس 285 پوائنٹس سے زیادہ گر کر 21,285.55 پوائنٹس کی سطح پر آگیا۔
حالانکہ صبح 10 بجے کے بعد مارکیٹ میں ایک بار پھر خریداری کا زور بنتا نظر آیا جس کی وجہ سے انڈیکس نچلی سطح سے کچھ ریکوری کرنے میں کامیاب ہوا۔ مارکیٹ میں کاروبار کے پہلے گھنٹے کی مسلسل خرید و فروخت کے بعد صبح 10:15 بجے نفٹی 207.65 پوائنٹس کی گراوٹ کے ساتھ 21,364.30 پوائنٹس کی سطح پر کاروبار کر رہا تھا۔
ہندوستھان سماچار
/شہزاد
