شیئر بازار میں اتار- چڑھاو کے درمیان سینسیکس اور نفٹی میں تیزی
نئی دہلی، 5 جنوری (ہ س)۔ گھریلو شیئر بازار میں آج تیزی کا رجحان نظر آرہا ہے۔ آج کے کاروبار کا آغاز مضبوطی کے ساتھ ہوا۔ حالانکہ بازار کھلنے کے بعد سے ہی خریداروں اور فروخت کنندگان کے درمیان مسلسل رسہ کشی جاری ہے جس کی وجہ سے حصص بازار کی چال میں بھی اتار چڑھاو دیکھنے کو مل رہا ہے۔ کاروبار کے پہلے ایک گھنٹے کے بعد سینسیکس 0.33 فیصد اور نفٹی 0.34 فیصد کے اضافے کے ساتھ کاروبار کر رہے تھے۔
کاروبار کے پہلے ایک گھنٹے کے بعد حصص بازار کے بڑے شیئروں میں اڈانی پورٹس، وپرو، ایس بی آئی لائف انشورنس، اڈانی انٹرپرائزز اور ٹیک مہندرا کے حصص 1.94 فیصد سے لیکر 1.47 فیصد کی مضبوطی کے ساتھ کاروبار کر رہے تھے۔ دوسری جانب نیسلے، سن فارماسیوٹیکل، برٹانیہ، سپلا اور ڈیویز کی لیبارٹریز کے شیئرس 1.91 فیصد سے لیکر 0.75 فیصد کی کمی کے ساتھ کاروبار کرتے نظر آرہے تھے۔
ابھی تک کے کاروبار میں شیئر بازار میں 2,077 شیئروں میں ایکٹو ٹریڈنگ ہورہی تھی۔ ان میں سے 1,538 شیئرس منافع کماکر سبز نشان میں جبکہ 539 شیئرس نقصان اٹھانے کر بعد سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 20 شیئرس خریداری کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباو کے باعث 10 حصص سرخ نشان میں کاروبار کر رہے تھے۔ جبکہ نفٹی میں شامل حصص میں سے 35 حصص سبز نشان میں اور 15 حصص سرخ نشان میں کاروبار کرتے نظر آرہے تھے۔
بی ایس ای کا سینسیکس آج 169.14 پوائنٹس کی چھلانگ کے ساتھ 72,016.71 پوائنٹس پر کھلا۔ کاروبار شروع ہوتے ہی فروخت کے دباو کی وجہ سے یہ انڈیکس 71,996.98 پوائنٹس تک گر گیا۔ لیکن اس کے بعد خریداری کا زور بنا تو اس نے 72,156.48 پوائنٹس تک پہنچ کر اپنی مضبوطی بھی دکھائی۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے سینسیکس 236.02 پوائنٹس کی مضبوطی کے ساتھ 72,083.59 پوائنٹس کی سطح پر کاروبار کر رہا تھا۔
سینسیکس کی طرح این ایس ای کے نفٹی نے بھی 47.15 پوائنٹس کی مضبوطی کے ساتھ آج 21,705.75 پوائنٹس پر تجارت شروع کی۔ بازار کھلنے کے بعد خریداروں اور بیچنے والوں کے درمیان رسہ کشی شروع ہوگئی جس کی وجہ سے اس انڈیکس کی حرکت میں بھی اتار چڑھاو دیکھنے کو ملا۔ فروخت کے دباو میں نفٹی گر کر 21,698.20 پوائنٹس تک پہنچ گیا۔ جب خرید کا زور بننے پراس نے 21,749.60 تک کی چھلانگ بھی لگائی۔ بازار میں مسلسل خرید و فروخت کے درمیان پہلے ایک گھنٹے کے کاروبار کے بعد صبح 10:15 بجے نفٹی 74.30 پوائنٹس کی مضبوطی کے ساتھ 21,732.90 پوائنٹس کی سطح پر کاروبار کر رہا تھا۔
ہندوستھان سماچار
/شہزاد
