نئی دہلی، 10 جنوری (ہ س)۔ آج گھریلو شیئر مارکیٹ اتار- چڑھاو کے درمیان فلیٹ لیول پر کاروبار کرتا ہوا نظر آرہا ہے۔ آج کا کاروبار کمزوری کے ساتھ شروع ہوا۔ مارکیٹ کھلتے ہی شیئر بازارنے ریکوری کر کچھ دیر کے لیےہرے نشان میں اپنی جگہ بنائی۔ لیکن اس کے بعد فروخت کنندگان اور خریدار ایک دوسرے پر حاوی ہونے کی کوشش کرنے لگے جس کی وجہ سے مارکیٹ میں بھی اتار- چڑھاو ہونے لگا۔ کاروبار کے پہلے گھنٹے کے بعد، سینسیکس 0.07 فیصد اور نفٹی 0.04 فیصد کے معمولی اضافے کے ساتھ کاروبار کر رہا تھا۔
کاروبار کے پہلے گھنٹے کے بعدحصص بازار کے بڑے شیئروں میں سے ایس بی آئی لائف انشورنس، سیپلا، اڈانی انٹرپرائز، ایچ سی ایل ٹیکنالوجی اور ایچ ڈی ایف سی لائف کے شیئرس 2.68 فیصد سے 1.25 فیصد کے اضافے کے ساتھ کاروبار کر رہے تھے۔ دوسری طرف بی پی سی ایل، او این جی سی، این ٹی پی سی، آئشر موٹرز اور کول انڈیا کے شیئروں میں 2.48 فیصد سے 0.95 فیصد کی گراوٹ کے ساتھ کاروبار دیکھا گیا۔
موجودہ کاروبار میں شیئر مارکیٹ میں 2,045 شیئروں میں ایکٹیو ٹریڈنگ ہو رہی تھی ۔ ان میں سے 904 شیئرس منافع کمانے کے بعد سبز رنگ میں جبکہ 1,141 شیئرس خسارے کے بعد سرخ رنگ میں کاروبار کر رہے تھے۔ اسی طرح سینسیکس میں شامل 30 شیئروں میں سے 12 شیئرس خریداری کی حمایت کے ساتھ سبز رنگ میں رہے۔ دوسری جانب فروخت کے دباو کے باعث 18 شیئرس کی قیمتوں میں تیزی رہی۔ جبکہ نفٹی میں شامل شیئروں میں سے 18شیئرس سبز نشان میں تجارت کرتے ہوئے اور 32شیئرس سرخ نشان میں تجارت کرتے ہوئے نظر آ رہے تھے ۔
بی ایس ای سینسیکس آج 3.01 پوائنٹس کی معمولی کمزوری کے ساتھ 71,383.20 پوائنٹس کی سطح پر کھلا۔ کاروبار شروع ہوتے ہی یہ انڈیکس خریداری کی حمایت سے 71,498.83 پوائنٹس کی سطح پر آگیالیکن اس کے بعد فروخت کے دباو کی وجہ سے یہ 71,110.98 پوائنٹس کی سطح پر چلا گیا۔ تاہم کچھ دیر بعد خریداری شروع ہو جانے کی وجہ سے اس انڈیکس نے بحالی کر دوبارہ سبز نشان میں اپنی جگہ بنا لی۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح سوا دس بجے سینسیکس 47.70 پوائنٹس کے اضافے کے ساتھ 71,433.91 پوائنٹس پرکاروبار کر رہا تھا۔
سینسیکس کی طرح، این ایس ای کے نفٹی نے آج 15.55 پوائنٹس کی گراوٹ کے ساتھ 21,529.30 پوائنٹس کی سطح پر تجارت شروع کی۔ بازار کھلتے ہی یہ انڈیکس کچھ دیر کے لیے خریدوفروخت کی وجہ سے سبز رنگ میں آگیا۔ لیکن اس کے بعد فروخت کے دباو کی وجہ سے یہ انڈیکس تقریباً 100 پوائنٹس گر کر 21,448.65 پوائنٹس پر آگیا۔ تاہم اس کے بعد خریداروں نے اپنی موجودگی کا احساس دلایا اور انڈیکس کو دوبارہ سبز رنگ میں لے گئے۔ مارکیٹ میں مسلسل خرید و فروخت کے درمیان پہلے ایک گھنٹے کی تجارت کے بعد صبحسوا دس بجے نفٹی 7.65 پوائنٹس کے اضافے کے ساتھ 21,552.50 پوائنٹس کی سطح پر کاروبار کر رہا تھا۔
ہندوستھان سماچار
