نئی دہلی، 28 نومبر (ہ س)۔
شادیوں کے سیزن نے صرافہ مارکیٹ میں نئی جان ڈال دی ہے جو تہواروں کے سیزن کے بعد سست تھی۔ شادیوں کے سیزن کے آغاز سے ہی سونے کی قیمتوں میں اضافے کا سلسلہ جاری ہے۔ آج چنئی میں 24 قیراط سونے کی قیمت 63 ہزار روپے فی 10 گرام کی سطح سے آگے بڑھ گئی۔ چنئی کی طرح ملک کے بیشتر صرافہ بازاروں میں 24 کیرٹ سونا 62,500 روپے فی 10 گرام سے اوپر ٹریڈ کر رہا ہے۔
24 قیراط سونے کی طرح زیورات یعنی 22 قیراط سونے کی قیمت میں بھی اضافہ ہوا ہے۔ ملک کی بیشتر صرافہ مارکیٹوں میں آج 22 قیراط سونا 57,300 روپے فی 10 گرام کی سطح سے اوپر پہنچ گیا ہے۔ شادیوں کے سیزن کی وجہ سے ملک کیصرافہ مارکیٹ میں ریٹیل کاروبار میں زبردست اضافہ ہوا ہے جس کے باعث سونے کی قیمت میں مسلسل اضافہ ہورہا ہے۔ سونے کی طرح چاندی کی قیمت میں بھی تیزی سے اضافہ ہوا ہے۔ دہلی صرافہ مارکیٹ میں آج چاندی 78,500 روپے فی کلو پر ٹریڈ کر رہی ہے۔
ملک کی راجدھانی دہلی میں آج 24 کیرٹ سونا 62,710 روپے فی 10 گرام پر ٹریڈ کر رہا ہے، جب کہ 22 کیرٹ سونے کی قیمت 57,500 روپے فی 10 گرام ریکارڈ کی گئی۔ اسی طرح احمد آباد میں آج 24 قیراط سونا 62,610 روپے فی 10 گرام کی قیمت پر فروخت ہو رہا ہے اور 22 کیرٹ سونا 57,500 روپے فی 10 گرام کی قیمت پر فروخت ہو رہا ہے۔ وہیں چنئی میں 24 قیراط سونے کی خوردہ قیمت 63,050 روپے فی 10 گرام اور 22 قیراط سونے کی قیمت 57,800 روپے فی 10 گرام ریکارڈ کی گئی۔ ان بڑے شہروں کے علاوہ ممبئی میں 24 کیرٹ سونا 62,560 روپے فی 10 گرام اور 22 کیرٹ سونا 57,300 روپے فی 10 گرام میں فروخت ہو رہا ہے۔ اسی طرح کولکاتہ میں بھی 24 کیرٹ سونا 62,560 روپے فی 10 گرام کی سطح پر پہنچ گیا ہے اور 22 کیرٹ سونا 57,350 روپے فی 10 گرام کی سطح پر پہنچ گیا ہے۔
لکھنو¿ کے صرافہ مارکیٹ میں آج 24 کیرٹ سونا 62,710 روپے فی 10 گرام کی سطح پر فروخت ہو رہا ہے اور 22 کیرٹ سونا 57,500 روپے فی 10 گرام کی سطح پر فروخت ہو رہا ہے۔ وہیں پٹنہ میں 24 کیرٹ سونے کی قیمت بڑھ کر 62,610 روپے فی 10 گرام ہو گئی ہے، وہیں 22 کیرٹ سونا 57,400 روپے فی 10 گرام کی سطح پر فروخت ہو رہا ہے۔ اسی طرح جے پور میں 24 کیرٹ سونا 62,710 روپے فی 10 گرام اور 22 کیرٹ سونا 57,500 روپے فی 10 گرام میں فروخت ہو رہا ہے۔
ہندوستھان سماچار
