مارکیٹ میں تیزی سے سرمایہ کاروں نے 3.98 لاکھ کروڑ روپے کمائے۔
نئی دہلی، 31 دسمبر (ہ س)۔ سال 2025 کے آخری دن ملکی اسٹاک مارکیٹ مضبوطی سے بند ہونے میں کامیاب رہی۔ آج کے کاروبار کا آغاز بھی اضافے کے ساتھ ہوا۔ مارکیٹ کھلنے کے بعد ٹریڈنگ کے پہلے آدھے گھنٹے میں اتار چڑھاؤ دیکھنے میں آیا۔ اس کے بعد صبح 10 بجے کے قریب خریداروں نے اپنی خریداری تیز کردی جس کی وجہ سے سینسیکس اور نفٹی دونوں انڈیکس میں تیزی آئی۔ پورے دن کے کاروبار کے بعد سینسیکس 0.64 فیصد اور نفٹی 0.74 فیصد کے اضافے کے ساتھ بند ہوا۔
آج دن کے کاروبار کے دوران انفراسٹرکچر، آئل اینڈ گیس، پبلک سیکٹر انٹرپرائزز اور انرجی سیکٹرز کے حصص میں مسلسل خریداری رہی۔ اسی طرح میٹل، آٹوموبائل، بینکنگ، رئیلٹی، کیپٹل گڈز، کنزیومر ڈور ایبل، ایف ایم سی جی اور ہیلتھ کیئر انڈیکس بھی اضافے کے ساتھ بند ہوئے۔ دوسری جانب آئی ٹی اور ٹیک سیکٹر کے حصص میں فروخت کا دباؤ دیکھا گیا۔ آج بھی وسیع بازار میں مسلسل خریداری رہی، جس کی وجہ سے بی ایس ای مڈ کیپ انڈیکس 1.01 فیصد کے اضافے کے ساتھ بند ہوا۔ اسی طرح، اسمال کیپ انڈیکس نے آج کے کاروبار کا اختتام 1.19 فیصد اضافے کے ساتھ کیا۔
آج اسٹاک مارکیٹ کے منافع نے اسٹاک مارکیٹ کے سرمایہ کاروں کی دولت میں تقریباً 4 لاکھ کروڑ روپے کا اضافہ کیا ہے۔ بی ایس ای میں درج کمپنیوں کی مارکیٹ کیپٹلائزیشن آج کی ٹریڈنگ کے بعد بڑھ کر 475.70 لاکھ کروڑ (عارضی) ہو گئی، گزشتہ کاروباری دن، منگل کو 471.72 لاکھ کروڑ کے مقابلے میں۔ نتیجتاً، سرمایہ کاروں کو آج کی تجارت سے تقریباً 3.98 لاکھ کروڑ کا فائدہ ہوا۔
آج، دن کے کاروبار کے دوران، بی ایس ای میں 4,374 حصص میں فعال تجارت ہوئی۔ ان میں سے 2,799 حصص کی قیمتوں میں اضافہ، 1,413 حصص کے بھاؤ میں کمی جبکہ 162 کے حصص بغیر کسی اتار چڑھاؤ کے بند ہوئے۔ آج، این ایس ای میں 2,881 حصص میں فعال تجارت ہوئی تھی۔ ان میں سے 2,072 حصص منافع کمانے کے بعد سبز نشان پر اور 809 حصص نقصان اٹھانے کے بعد سرخ نشان پر بند ہوئے۔ اسی طرح سینسیکس میں شامل 30 حصص میں سے 25 حصص فائدہ کے ساتھ بند ہوئے اور 5 حصص نقصان کے ساتھ بند ہوئے۔ جبکہ نفٹی میں شامل 50 حصص میں سے 42 حصص سبز نشان میں اور 8 حصص سرخ نشان میں بند ہوئے۔
بی ایس ای سینسیکس آج 118.50 پوائنٹس کے اضافے کے ساتھ 84,793.58 پر کھلا۔ ٹریڈنگ کے آغاز کے بعد کچھ وقت کے لیے انڈیکس میں اتار چڑھاؤ آیا، لیکن صبح 10 بجے کے قریب، خریداروں کا مارکیٹ پر مکمل غلبہ رہا۔ مسلسل خریداری کی مدد سے، سینسیکس 762.09 پوائنٹس چھلانگ لگا کر 3 بجے سے کچھ دیر پہلے 85,437.17 پوائنٹس کی سطح پر پہنچ گیا۔ تاہم، ٹریڈنگ کے آخری آدھے گھنٹے میں منافع وصولی کی وجہ سے، سینسیکس اوپری سطح سے 200 پوائنٹس سے زیادہ گر گیا اور 545.52 پوائنٹس کے اضافے کے ساتھ 85,220.60 پوائنٹس پر بند ہوا۔
سینسیکس کی طرح، این ایس ای نفٹی نے آج ٹریڈنگ کا آغاز کیا، 32.20 پوائنٹس چھلانگ لگا کر 25,971.05 پر پہنچ گیا۔ مارکیٹ کھلنے کے بعد کچھ دیر کے لیے انڈیکس میں اتار چڑھاؤ آیا لیکن صبح 10 بجے کے قریب بیلوں نے خریدنا شروع کر دیا۔ مسلسل خریداری کی مدد سے نفٹی 249.10 پوائنٹس چھلانگ لگا کر 26,187.95 تک پہنچ گیا۔ تاہم، تقریباً 3 بجے، پرافٹ بکنگ شروع ہوئی، جس کی وجہ سے انڈیکس کی حرکت میں معمولی کمی واقع ہوئی۔ پورے دن کی ٹریڈنگ کے بعد، نفٹی اپنی گزشتہ اونچائی سے تقریباً 60 پوائنٹس پھسل کر 190.75 پوائنٹس کے اضافہ کے ساتھ 26,129.60 پر بند ہوا۔
دن بھر کی خرید و فروخت کے بعد، اسٹاک مارکیٹ کے بڑے اسٹاکس میں جے ایس ڈبلیو اسٹیل 4.79 فیصد اضافے کے ساتھ، ٹاٹا اسٹیل 2.43 فیصد، او این جی سی 2.43 فیصد، کوٹک مہندرا 2.25 فیصد اور ریلائنس انڈسٹریز 1.99 فیصد اضافے کے ساتھ آج سرفہرست 5 منافع کی فہرست میں شامل ہیں۔ دوسری طرف،ٹی سی ایس 1.25 فیصد ،ٹیک مہندرا 0.85 فیصد ، گراسم انڈسٹریز0.45 فیصد، انفوسس 0.38 فیصد اور بجاج فائنانس0.25 فیصد کے نقصان کے ساتھ آج کے ٹاپ 5 خسارہ فہرست میں شامل کیا گیا۔
—————
ہندوستان سماچار / عبدالسلام صدیقی
