نئی دہلی، 5 نومبر (ہ س)۔ ملک کی سب سے بڑی کار بنانے والی کمپنی ماروتی سوزوکی انڈیا لمیٹڈ نے اپنی 3 کروڑ ویں کارفروخت کی ہے۔ اس کامیابی کے ساتھ، ماروتی سوزوکی گھریلو بازار میں اس سنگ میل کو عبور کرنے والی پہلی ہندوستانی کار بنانے والی کمپنی بن گئی ہے۔
کمپنی نے بدھ کو ایک بیان میں کہا کہ اس نے یہ سنگ میل صرف 42 سالوں میں حاصل کیا۔ ماروتی سوزوکی انڈیا نے اپنی پہلی کار، ماروتی 800، 14 دسمبر 1983 کو ہندوستان میں ایک گاہک کو فراہم کی گئی۔ ماروتی نے کہا کہ اس نے 28 سال اور دو ماہ میں پہلی بارایک کروڑ کے مجموعی فروخت کے نشان کو عبور کیا۔ اگلی ایک کروڑ کاریں گھریلو بازار میں چھ سال اور چار ماہ کے ریکارڈ وقت میں فروخت ہوئیں۔
ماروتی نے کہا کہ ہندوستان میں فروخت ہونے والی 3 کروڑ کاروں میں سے، آلٹو سب سے زیادہ مقبول ماڈل کے طور پر ابھری، جس کے 47 لاکھ یونٹس فروخت ہوئے۔ اس کے بعد ویگن آر 34 لاکھ یونٹس کے ساتھ دوسرے اور سوئفٹ 32 لاکھ یونٹس کے ساتھ تیسرے نمبر پر رہی۔ ماروتی نے کہا کہ کمپیکٹ ایس یو وی بریزا وغیرہ بھی کمپنی کے حصے میں سب سے زیادہ فروخت ہونے والی دس کاروں میں شامل ہیں۔
ماروتی سوزوکی انڈیا کے مینیجنگ ڈائریکٹر اور چیف ایگزیکٹیو آفیسر (سی ای او)، ہیساشی تاکوچی نے کہا کہ فی 1,000 افراد پر تقریباً 33 گاڑیوں کی دستیابی کے ساتھ، ہم جانتے ہیں کہ ہمارا سفر ابھی ختم نہیں ہوا ہے۔ انہوں نے کہا کہ کمپنی زیادہ سے زیادہ لوگوں تک ٹرانسپورٹیشن کی خوشی پہنچانے کی ہر ممکن کوشش جاری رکھے گی۔ ماروتی سوزوکی انڈیا فی الحال 19 ماڈل میں 170 سے زیادہ مختلف ماڈل پیش کرتا ہے۔
ہندوستھان سماچار
—————
ہندوستان سماچار / عبدالواحد
