ماسکو،10جولائی (ہ س )۔
روس اور یوکرین کے درمیان جاری جنگ ٹرمپ کی تمام تر کوششوں کے بعد رک نہیں سکی ہے ۔ کئی برسوں سے جاری اس جنگ میں حالیہ دنوں میں مزید شدت آئی ہے ۔روس کی جانب سے یوکرین پر لگا تار حملے جاری ہیں۔آج تازہ رپورٹ کے مطابق روس نے یوکرین پر میزائل اور ڈرون سے نیا حملہ کیا ہے۔
غیرملکی میڈیا کے مطابق روسی حملے کے نتیجے میں یوکرین کے دارالحکومت کیف میں 2 افراد ہلاک اور 16 زخمی ہوگئے۔یوکرین کے صدر نے بھی روسی حملے میں ہونے والے جانی نقصان کی تصدیق کی ہے۔یوکرینی صدر کے مطابق حملے کے لیے 18 میزائل اور 400 ڈرونز استعمال کیے گئے۔میڈیا رپورٹس کے مطابق ان حملوں کے نتیجے میں کئی مقامات پر آگ بھی لگی۔
ہندوستھان سماچار
ہندوستان سماچار / عطاءاللہ
