آئی ایس ایل 24-2023 : پلے آف ریس کے لیے جدوجہد میں اضافہ، ایک مقام کے لیے چھ دعویدار
نئی دہلی، 16 مارچ ۔ انڈین سپر لیگ (آئی ایس ایل) 24-2023 کے 19ویں میچ ویک اور پچھلے مہینے پوائنٹس ٹیبل میں ٹیموں کے درمیان کافی اتار چڑھاو دیکھنے کو ملا۔ اس دوران اڈیشہ ایف سی ٹیبل میں اوپر سے چوتھی پوزیشن پر آ گئی ہے۔ ممبئی سٹی ایف سی، موہن باغان سپر جائنٹس اور ایف سی گوا نے جگرناٹس کو پیچھے دھکیلتے ہوئے بالترتیب ٹیبل میں سرفہرست تین مقامات پر قبضہ کرلیا ہے۔
پچھلے پانچ میچوں میں صرف ایک جیت حاصل کرنے والی کیرالہ بلاسٹز ایف سی پانچویں مقام پر اٹک گئی ہے اور لیگ ونر شیلڈ کی دوڑ سے تقریباً باہر ہو چکی ہے، لیکن ابھی بھی پلے آف کے اندر ہے۔
چھ ٹیموں پر مشتمل پلے آف میں چھٹی پوزیشن وہ جگہ ہے جس کے لیے سخت جنگ جاری ہے، جس میں چھ دعویدار جمشید پور ایف سی، بنگلورو ایف سی، پنجاب ایف سی، نارتھ ایسٹ یونائیٹڈ ایف سی، چنئین ایف سی اور ایسٹ بنگال ایف سی اگلے راونڈ تک پہنچنے کے لیے سخت جد و جہد کر رہے ہیں۔ ٹیبل کے نیچے حیدرآباد ایف سی حال ہی میں قدرے متحرک نظر آئی ہے اور شیلڈ جیتنے یا ٹاپ چھ تک پہنچنے کی کوشش کرنے والی ٹیموں کے لیے چیزوں کو مشکل بنا سکتی ہے۔
ممبئی سٹی ایف سی (پہلے) اور موہن باغان سپر جائنٹ (دوسرے) 39-39 پوائنٹس کے ساتھ ٹاپ پوزیشن کے لیے سخت مقابلہ کر رہے ہیں۔ میرینرز (18) نے اس مقام تک پہنچنے کے لیے آئی لینڈرز (19) سے ایک کم میچ کھیلا ہے۔ ممبئی سٹی ایف سی کو اب تک صرف دو شکستوں کا سامنا کرنا پڑا ہے جبکہ کولکاتا واقع کلب کو تین بار شکست کا سامنا کرنا پڑا ہے۔
چھٹے مقام کے لیے بہت سے دعویدار جد و جہد کر رہے ہیں، حیدرآباد ایف سی کے علاوہ کوئی بھی ٹیم ابھی تک پوری طرح سے دوڑ سے باہر نہیں ہوئی ہے۔
چنئیین ایف سی کے 18 میچوں میں 18 پوائنٹس ہیں، اور وہ اپنے اگلے چار میچ جیت کر 30 پوائنٹس تک پہنچ سکتے ہیں۔ حالانکہ ان کے میچ بالترتیب موہن باغان سپر جائنٹ، جمشید پور ایف سی، نارتھ ایسٹ یونائیٹڈ ایف سی اور ایف سی گوا کے خلاف ہیں۔
دلچسپ بات یہ ہے کہ جمشید پور ایف سی، بنگلورو ایف سی اور پنجاب ایف سی – یہ سبھی 19 میچ کھیل کر 21 ویں پوزیشن پر ہیں۔ یہ ٹیمیں اپنے بقیہ میچوں میں ایک بار بھی آمنے سامنے نہیں ہوں گی۔ یہ وہ اعداد و شمار ہیں جو پوائنٹس ٹیبل کو وسیع طور پر کھلا رکھے ہوئے ہیں، جس سے انہیں لیگ مہم کے اختتام پر مجموعی طور پر بہتر پوائنٹس حاصل کرنے کا امکان ملتا ہے۔
ایسٹ بنگال ایف سی نے اپنے آخری پانچ میچوں میں صرف ایک میں کامیابی حاصل کی ہے اور ہائی لینڈرز نے اپنے آخری پانچ میچوں میں ممکنہ 15 پوائنٹس میں سے صرف چار پوائنٹس اکٹھے کیے ہیں۔ فارم ان کے ساتھ نہیں ہے، لیکن وہ پھر بھی پلے آف میں جگہ بنانے کا ارادہ کر سکتے ہیں، حالانکہ اب دونوں ٹیمیں ایک دوسرے کے خلاف نہیں ٹکرائیں گی۔
