بی جے پی نے نانا جی دیش مکھ کو پیش کیا خراج عقیدت
نئی دہلی، 27 فروری ۔ ایک ممون قوم بھارت رتن نانا جی دیش مکھ کو آج (منگل) ان کی برسی پر یاد کر رہی ہے۔ بھارتیہ جنتا پارٹی (بی جے پی) نے آج صبح نانا جی دیشمکھ کو خراج عقیدت پیش کیا۔ اس سلسلے میں بی جے پی نے اپنے ایکس ہینڈپر لر نانا جی کی خوبیوں کو ذکر کیا۔
بی جے پی نے لکھا، ‘روشن خیال قومی خدمت گار اور عظیم سماجی مصلح بھارت رتن نانا جی دیشمکھ کو ان کی برسی پر عاجزانہ خراج عقیدت۔ قابل ذکر ہے کہ نانا جی کو دیہی ہندوستان کے کاریگر کے طور پر بھی جانا جاتا ہے۔ انہوں نے بھگوان رام کے مقدس مقام چترکوٹ میں چترکوٹ گرامودیہ یونیورسٹی قائم کی‘۔
بھارتیہ جن سنگھ کے سرکردہ رہنما نانا جی دیش مکھ راجیہ سبھا کے رکن بھی رہے۔ نانا جی دیش مکھ کا پورا نام چنڈیکا داس امرتراو دیش مکھ تھا۔ انہوں نے تعلیم، صحت اور دیہی خود انحصاری کے شعبوں میں ناقابل فراموش کام کیا۔ انہیں 2019 میں حکومت کی طرف سے بعد از مرگ بھارت رتن سے نوازا گیا، جو ملک کا سب سے بڑا شہری اعزاز ہے۔
نانا جی 11 اکتوبر 1916 کو کڈولی میں مراٹھی بولنے والے برہمن گھرانے میں پیدا ہوئے تھے۔ انہوں نے راشٹریہ سویم سیوک سنگھ میں بہت سی ذمہ داریوں کو کامیابی سے نبھایا۔ انہوں نے 1950 میں گورکھپور میں ہندوستان کا پہلا سرسوتی شیشو مندر قائم کیا۔ انہوں نے 27 فروری 2010 کو 93 سال کی عمر میں آخری سانس لی۔
