نئی دہلی ، 23 جنوری (ہ س)۔
بھارتی کرکٹ کنٹرول بورڈ(بی سی سی آئی) کی مردوں کی سلیکشن کمیٹی نے 24 جنوری سے احمد آباد میں انگلینڈ لائنز کے خلاف کھیلے جانے والے دوسرے چار روزہ میچ کے لیے رنکو سنگھ کو انڈیا ’ اے ‘ ٹیم میں شامل کیا ہے۔ رنکو کو اس سے قبل سیریز کے تیسرے اور آخری میچ کے لیے ٹیم میں شامل کیا گیا تھا۔26 سالہ رنکو نے گزشتہ سال اگست میں آئرلینڈ کے خلاف ٹی 20 ڈیبیو کرنے کے بعد سے ساڑھے پانچ ماہ مصروف رہے۔ وہ آسٹریلیا، جنوبی افریقہ اور افغانستان کے خلاف ٹی20 سیریز کھیلنے سے قبل ہانگزو ایشین گیمز میں گولڈ میڈل جیتنے والی ٹیم کا بھی حصہ تھے۔
انہوں نے اپنا ون ڈے ڈیبیو گزشتہ سال دسمبر میں جنوبی افریقہ میں کیا جہاں انہوں نے دو میچ کھیلے۔ بینونی میں جنوبی افریقہ اے کے خلاف دوسرے چار روزہ میچ سے پہلے اسے پہلی بار انڈیا اے اسکواڈ میں شامل کیا گیا تھا ، حالانکہ وہ پلیئنگ الیون کا حصہ نہیں تھے۔ اس کے بجائے رنکو کو باکسنگ ڈے ٹیسٹ کے دوران سینچورین کے سپر اسپورٹ پارک میں ہندوستانی ڈگ آو¿ٹ میں دیکھا گیا اور وہ متبادل فیلڈر کے طور پر بھی سامنے آئے۔رنکو نے اب تک 46 فرسٹ کلاس میچ کھیلے ہیں جس میں انہوں نے 57.57 کی اوسط سے 3109 رنز بنائے ہیں۔ وہ حال ہی میں میرٹھ میں بہار کے خلاف رنجی ٹرافی کے تیسرے راو¿نڈ میچ میں اتر پردیش کے لیے نظر آئے تھے۔ یہ میچ 22 جنوری کو ختم ہوا لیکن دھند اور کم روشنی کی وجہ سے چار دنوں میں صرف 115 اوورز کا کھیل ممکن ہو سکا۔انھوں نے ابھی انڈیا اے کے لیے نہیں کھیلنا ہے ، لیکن ٹیم میں ان کی شمولیت ایسے وقت میں ہوئی ہے جب سلیکٹرز ویرات کوہلی کے ممکنہ متبادل پر غور کر رہے ہیں ، جو ذاتی وجوہات کی بنا پر انگلینڈ کے خلاف پہلے دو ٹیسٹ میچوں سے دستبردار ہو گئے ہیں۔ رجت پاٹیدار ، چیتشور پجارا ، سرفراز خان اور بی سائی سدرشن کو دعویدار کے طور پر دیکھا جا رہا ہے۔
دوسرے چار روزہ میچ کے لیے انڈیا’ اے‘ ٹیم : ابھیمنیو ایشورن (کپتان) ، سائی سدرشن ، رجت پاٹیدار ، سرفراز خان ، تلک ورما ، کمار کشاگرا ، واشنگٹن سندر ، سوربھ کمار ، ارشدیپ سنگھ ، تشار دیشپانڈے ، ودت کاویرپا ،اوپیندر یادو ، آکاش دیپ ، یش دیال ، رنکو سنگھ۔
انگلینڈ لائنز کے خلاف تیسرے چار روزہ میچ کے لیے انڈیا ’ اے‘ ٹیم : ابھیمنو ایشورن (کپتان) ، بی سائی سدرشن ، رجت پاٹیدار ، تلک ورما ، رنکو سنگھ ، کمار کشاگرا (وکٹ کیپر) ، واشنگٹن سندر ، شمس ملانی ، ارشدیپ سنگھ ، تشار دیشپانڈے ، ودت کاویرپا ، اپیندر یادو (وکٹ کیپر) ، آکاش دیپ ، یش دیال۔
