آئی ایل ٹی۔ 20 : ایم آئی ایمریٹس کے گیندباز کوچ مقررہوئے مچیل میک کلیناگھن
نئی دہلی، 12 جنوری (ہ س)۔ چار بار کی آئی پی ایل چیمپئن ممبئی انڈینز نے تیز گیند باز مچل میک کلیناگھن کو اپنے آئی ایل ٹی 20 سے منسلک ایم آئی ایمریٹس کا بولنگ کوچ مقرر کیا ہے۔ میک کلیناگھن آئی پی ایل میں ممبئی انڈینز کے لیے کھیل چکے ہیں۔
یہ کوچ کے طور پر میک کلیناگھن کا پہلا بڑا کردار ہوگا، جنہوں نے آخری بار 2021 میں پیشہ ورانہ طور پر کھیلا تھا۔ انہوں نے 48 ون ڈے اور 29 ٹی- 20 میں نیوزی لینڈ کی نمائندگی کی ہے، بالترتیب 82 اور 30 وکٹیں حاصل کی ہیں۔
میک کلیناگھن رابن سنگھ کے ماتحت کام کریں گے، جنہیں آئی ایل ٹی 20 کاک پہلا سیزن ایم آئی ایمریٹس کے جنرل منیجر کے طور پر گزارنے کے بعد ہیڈ کوچ مقرر کیا گیا ہے۔ سنگھ جو گزشتہ سال متحدہ عرب امارات کی مردوں کی ٹیم کے کوچ کے عہدے سے سبکدوش ہوئے تھے، شین بانڈ کی جگہ لیں گے، جنہوں نے ممبئی کا گلوبل نیٹ ورک چھوڑ دیا ہے اور ایس اے 20 میں پارل رائلز کی کمان سنبھالی ہے۔
اجے جڈیجا جنہوں نے 2023 کا ورلڈ کپ افغانستان کے مینٹور کے طور پر گزارا، نے بھی ایم آئی ایمریٹس کے بیک روم اسٹاف میں بطور بلے بازی کوچ شمولیت اختیار کی ہے۔ ونئے کمار (اسسٹنٹ کوچ) اور جیمز فرینکلن (فیلڈنگ کوچ) آئی ایل ٹی 20 کے افتتاحی سیزن سے اپنی ذمہ داریاں جاری رکھیں گے۔
ایم آئی ایمریٹس نے حال ہی میں اعلان کیا ہے کہ نکولس پورن اس سیزن میں ان کے کپتان ہوں گے، جو ایس اے 20 میں ڈربن سپر جائنٹس کے ساتھ مختصر مدت کے بعد شامل ہوں گے۔
ہندوستھان سماچار
/شہزاد
