وزیر اعظم مودی اور بی جے پی نے سوامی وویکانند کو پیش کیا خراج عقیدت
نئی دہلی، 12 جنوری (ہ س)۔ وزیر اعظم نریندر مودی اور بھارتیہ جنتا پارٹی نے سوامی وویکانند کی خوبیوں کو یاد کرتے ہوئے انہیں خراج عقیدت پیش کیا ہے۔ آج سوامی وویکانند کا یوم پیدائش ہے۔ وزیراعظم ان کے یوم پیدائش پر منائے جانے والے نیشنل یوتھ فیسٹیول کا بھی افتتاح کریں گے۔ اس میلے کا اہتمام مہاراشٹر کے ناسک میں کیا گیا ہے۔
وزیر اعظم مودی نے آج صبح ایکس ہینڈل پر لکھا، ’’ہندوستانی روحانیت اور ثقافت کو عالمی سطح پر قائم کرنے والے سوامی وویکانند کو ان کی جینتی اور قومی یوم نوجوانان کے موقع پر شت شت نمن۔ توانائی اور جوش سے بھرے ان کے خیالات اور پیغامات نوجوانوں کو وقتاً فوقتاً کچھ نہ کچھ کرنے کی ترغیب دیتے رہیں گے۔‘‘
بی جے پی نے صبح ایکس ہینڈل پر لکھا- ’’دنیا میں ہندوستانی ثقافت کو قائم کرنے والے عظیم روحانی گرو اور نوجوانوں کے لیے ایک تحریک سوامی وویکانند جی کو ان کے یوم پیدائش پر کوٹی کوٹی نمن۔‘‘ اس کے علاوہ ایکس ہینڈل پر جاری ایک پیغام میں وزیر اعظم نے جمعرات کو کہا تھا، ’’میں کل مہاراشٹر کے لوگوں کے درمیان رہنے کے لیے بیتاب ہوں۔ میں ناسک میں نیشنل یوتھ فیسٹیول میں شرکت کروں گا۔ اس کے بعد میں ممبئی جاؤں گا جہاں سے میں اٹل بہاری واجپائی سیوری-نہاوا شیوا اٹل سیتو پر نوی ممبئی جاؤں گا۔‘‘
ہندوستھان سماچار
/شہزاد
