نئی دہلی، 8 جنوری (ہ س)۔ اسپین کے لیجنڈری ٹینس کھلاڑی رافیل نڈال آسٹریلین اوپن سے دستبردار ہو گئے ہیں۔ انہوں نے اتوار کو برسبین انٹرنیشنل میں اپنے آخری میچ کے دوران مسلز میں تکلیف کے بعد آئندہ آسٹریلین اوپن سے دستبرداری کا فیصلہ کیا ہے۔
نڈال نے سوشل میڈیا ایکس پر لکھا، ”ایک بار جب میں میلبورن پہنچا تو مجھے ایم آر آئی کروانے کا موقع ملا اور میرے مسلز میں ایک چھوٹا سا زخم ہے، نہ کہ اسی جگہ جہاں مجھے چوٹ لگی تھی اور یہ اچھی خبر ہے،“۔
انہوں نے کہا، ”ابھی میں پانچ سیٹ کے میچوں میں زیادہ سے زیادہ سطح پر مقابلہ کرنے کے لیے تیار نہیں ہوں۔ اس لیے، میں اپنے ڈاکٹر سے ملنے، کچھ علاج اور آرام کرنے کے لیے واپس اسپین جا رہا ہوں۔“
نڈال نے یہ بھی کہا کہ انہوں نے واپسی کے لئے سال کے دوران سخت محنت کی ہے ، اور ان کا مقصد تین ماہ میں میری بہترین سطح پر ہوناہے ۔
انہوں نے مزید کہا،”میرے لیے میلبورن کے حیرت انگیز ہجوم کے سامنے نہ کھیلنے کی افسوسناک خبر کے باوجود، ہم سب سیزن کے لیے مثبت ہیں۔“
جمعہ کو سابق عالمی نمبر 1 اور 22 مرتبہ کے گرینڈ سلیم چیمپئن کو برسبین انٹرنیشنل کے کوارٹر فائنل میں آسٹریلیا کے جارڈن تھامپسن کے ہاتھوں 5-7، 7-6 (6)، 6-3 سے شکست کا سامنا کرنا پڑا۔ نڈال نے فائنل سیٹ میں میڈیکل ٹائم آو¿ٹ لیا، جس سے ان کی حالت کے بارے میں قیاس آرائیاں شروع ہو گئیں۔
37 سالہ نڈال نے میچ کے بعد کہا، ”میرے خیال میںمسلز تھک گئی ہیں۔“ یہ یقینی طور پر پچھلے سال جیسا نہیں ہے، کیونکہ جب پچھلے سال ایسا ہوا تھا، میں نے فوراً ہی کچھ سنجیدہ محسوس کیا تھا۔ آج مجھے کچھ محسوس نہیں ہوا۔ مسئلہ صرف یہ ہے کہ جگہ وہی ہے، آپ معمول سے کچھ زیادہ ڈرے ہوئے ہیں۔“
2024 آسٹریلین اوپن 14 سے 28 جنوری تک کھیلا جائے گا۔
ہندوستھان سماچار
