مشتبہ ڈینگو کے باعث زمبابوے کے خلاف ون ڈے سیریز سے باہر ہوئے پتھم نسانکا
کولمبو، 6 جنوری (ہ س)۔ سری لنکا کے سلامی بلے باز پتھم نسانکا ڈینگو کے مشتبہ کیس کی وجہ سے زمبابوے کے خلاف ون ڈے سیریز سے باہر ہو گئے ہیں۔ اگر ان کی بیماری ڈینگو ثابت ہوئی تو وہ ون ڈے کے بعد تین میچوں کی ٹی- 20 سیریز سے بھی باہر ہو جائیں گے۔
سری لنکا بورڈ کی جانب سے جاری کردہ ایک بیان میں کہا گیا ہے کہ نسانکا کو علاج کے لیے اسپتال میں داخل کرایا گیا ہے۔
19 سالہ شیوین ڈینیئل، جنہوں نے ایک ٹی- 20 انٹرنیشنل کھیلا ہے لیکن کوئی ون ڈے نہیں کھیلا ہے کو متبادل کے طور پر نامزد کیا گیا ہے۔ ڈینیئل عام طور پر سلامی بلے باز ہیں، لیکن اویشکا فرنینڈو اور کپتان کوسل مینڈس دونوں ہی سلامی بلے بازی کرنے کی صلاحیت رکھتے ہیں، اس لیے ہفتے کو ہونے والے پہلے ون ڈے کے لیے پلیئنگ الیون میں ان کی جگہ یقینی نہیں ہے۔ میجر کلب لمیٹیڈ اوور ٹورنامنٹ میں سنہلی اسپورٹس کلب کے لیے اوپننگ کرتے ہوئے ڈینئل نے اپنی سب سے حالیہ لسٹ اے اننگ میں نصف سنچری بنائی ہے۔ لیکن انہیں زیادہ تر صلاحیت کی بنیاد پر منتخب کیا گیا ہے۔
حالانکہ نسانکا کا باہر ہونا سری لنکا کے لیے ایک بڑا دھچکا ہے۔ 2023 میں انہوں نے 44.26 کی اوسط اور 87 کے اسٹرائیک ریٹ سے 1151 ون ڈے رنز بنائے اور ٹیم کے لیے مسلسل بہتر مظاہرہ کرنے والے بلے بازوں میں سے ایک تھے۔ زمبابوے کے خلاف کھیلی گئی چار اننگز میں ان کی اوسط 82.33 رہی ہے۔ تینوں ون ڈے میچ کھیتراما میں کھیلے جائیں گے۔
ہندوستھان سماچار
/شہزاد
